Water Technician (Funsionario Tekniku Be’e)

INFORMASAUN PROJETU

Objetivu hosi ADRA Timor-Leste nia programa Preparasaun ba Bailoron Naruk (El Nino) maka oinsa komuidade vulneravel sira iha Munisipiu Lautem hasae ona sira nia resiliensia ba bailoron naruk iha setor be’e nian. Munisipiu Lautem selesionadu ona bazia ba assessment nesesidade ne’ebe antes ne’e halao ona. Assessmentu be’e, halao hosi ADRA Timor Leste iha Postu Administrativu Lautem no Lospalos iha fulan Setembru-Outubru 2023 no identifika ona katak iha be’e matan balun nia volume be’e menus dadaun ona. No balun maran ona iha tempu bailron naruk. Konsultasaun sira tuir mai ne’ebe halo ona ho SMASA nota katak volume be’e menus ona iha systema balun hanesan iha suco Leuro, Serelau, no Rasa. Pilotu koleta udan be sei implementa iha iha parte Area Laivai tanba iha fatin refere laiha be’e matan sufisiente ne’ebe bele asessu hosi komunidade sira.

Programa Preparasaun ba Bailoron Naruk (El Nino) sei halao iha Suco 3, Suco Leuro, Serelau no Suco Ililai (Laivai)) iha Munisipiu Lautem no mais ou menus sei benefisia umakain hamutuk 310.

POZISAUN NIA OBJETIVU

Water Technician (Funsionario Tekniku Be’e) sei responsavel ba atividade principal tolu mak hanesan:

• Servisu hamutuk ho El Nino Preparation Community Facilitator no entidade sira hanesan SMASA no lideransa komunitaria hodi hasae komunidade sira nia konsiensia konaba mudansa klimatika no konservasaun ba be’e matan sira
• Servisu hamutuk ho ekipa tekniku ABMD nian no entidade relevante hodi realiza atividade reflorestasaun ba be’e matan sira
• Lidera prosesu halo identifikasaun, sensibilisasaun, koordenasaun no konstrusaun sistema koleta udan ben durante epoka udan hodi responde ba be’e ne’ebe menus iha tempu bailoron naruk

RESPONSABILIDADE SAVE:

Prepara plano implementasaun projeto El Nino Preparation ho detailhu
Halo coordenasaun servisu besik liu ho servisu munisipiu sira hanesan SMASA, Agrikultura (liu-liu Floresta) no Saude. Halo coordenasaun servisu maksimu ho autoridade local sira iha sucos sira neebe sai tarjetu.
Prepara material sosializasaun mudansa klimatika no preparasaun ba El Nino. Coordena no realiza atividade sosializasaun mudansa klimatika no preparasaun ba El Nino ba komunidade tarjetu sira inklui selebrasaun loron internasional be’e. Dezenhu no lidera Konstrusaun Sistema koleta udan ben iha area target. Coordena parte relevante sira hodi identifika be’e matan tarjetu sira hodi halo reflorestasaun Monitoriza no relata dezafiu sira no informa hodi adjusta planu no horariu implementasaun Suporta ekipa Monitoring and Evaluation (M&E) hodi kolekta dadus relevante sira tuir necesesidade projetu.

REKERIMENTU ESENSIAL SIRA (Edukasaun, Esperiensia no Abilidade)

Remata eskola sekundaria ou diploma iha Engineria
Esperiensia tinan 3 iha instalasaun be’e no Sistema kolekta udan be’en.
Prefere esperiensia iha servisu kampu desenvolvimentu area mudansa klimatika
Konhesimentu no abilidade teknikal forte iha area asaun preparasaun reziliensia ba bailoron naruk
Abilidades interpessoal no komunikasaun forte inklui abilidades atu halo relasaun servisu nebee diak.  
Auto-motivado no servisu diak iha ekipa
Kapasidade atu flexível, criativo no bele servisu diak iha ambiente nebee susar
Abilidades komputador, liu liu Microsoft Excel no Word.
Bele lori motor no iha lisensa (SIM) validu.
Presiza Abilidade iha LIAN FATALUKU

Ami enkoraja kandidatos feto sira atu applika. Qualquer candidato selesionadu sei persija halo bom comportamentu tuir ADRA nia Politika Protesaun Labarik.

https://orangehrm.adra.cloud/recruitmentApply/21/view