Fasilitador ba Kurríkulu Transformativu Jéneru

Kona-ba HAMNASA

Hamutuk Nasaun Saudável (HAMNASA) hanesan organizasaun naun-govermental nasionál ne'ebé servisu hamutuk Ministériu Saúde Timor-Leste hodi implementa programa sira ne'ebé fó apoiu no hametin servisu saúde nian. HAMNASA nia programa no objetivu mak atu haforsa servisu saúde no hamenus mortalidade no morbilidade ba inan sira no sira-nia oan inklui servisu iha área violénsia bazeia ba jéneru, hodi kontribui ba objetivu saúde nasionál.

Rezumu Serbisu

HAMNASA buka hela ema atu partisipa iha treinamentu no sai fasilitadór ba atividade naran Aman ba Mudansa. Partisipante hirak ne'e sei tuir formasaun durante semana 6. Formasaun inklui kedas prátika no teoria hodi hatudu duni kapasidade no abilidade atu sai fasilitadór iha atividade refere.

Benefísiu

• Simu pagamentu fulan 1.5 atu aumenta kapasidade ba aproximasaun transformativu ba jéneru
• Meals durante tuir formasaun ToT
• Hetan mentoring husi fasilitadór seniór
• Aumenta rede profisionál
• Kria esperiénsia di'ak atu buka servisu seluk iha área prevensaun

Responsabilidade

• Tuir formasaun ne'ebé sei fornese hodi kapasita an antes halo knaar iha kampu
• Asegura atu bele partisipa iha formasaun ne'e kompletu to'o nia rohan
• Fasilita formasaun ba partisipante
• Halo intervista ba partisipante
• Servius hamutuk ho parte M&E
• Halo relatóriu servisu

Kualifikasaun sira

• Esperiénsia serbisu mínimu tinan tolu iha área prevensaun violénsia bazeia ba jéneru
• Esperensia fasilita grupu ho maneira interativu, partisipatoriu mínimu tinan 2
• Preferensia boot ba ema nebe forma ona uma kain
• Iha abilidade di'ak iha área jéneru transformativu
• Pronto atu sai ezemplu di'ak ba ema seluk
• Iha koñesimentu kle'an kona-ba propblema jéneru

Oinsá atu aplika

Hatama CV no karta aplikasaun (Cover Letter) ba email: [email protected]