Kona-ba PRADET
PRADET (Rekuperasaun no Dezenvolvimentu Psikososiál iha Timor-Leste) estabelese ona nu'udar ONG nasionál iha 2002 hodi fornese serbisu psikososiál ba ema ne'ebé hetan trauma, moras mental, violénsia doméstika/violénsia bazeia ba jéneru, tráfiku umanu no problema psikososiál sira seluk.
Agora dadauk PRADET buka hela Voluntáriu Local ba servisu IT no Baze de Dados ho motivasaun diak no kapasidade téknika atu apoiu jestaun sístema informasaun, mantein baze de dados (database), no fó asisténsia téknika ba ekipa internu.
Responsabilidade
- Servisu hamutuk ho Ofisial IT no Baze dadus no staff tekniku sira hodi prepara dadus manual no elektronika iha sistema
- Suporta dezenvolvimentu, atualizasaun, no manutensaun ba baze de dados (database) organizasaun nian
- Entere dados (data entry) no verifikasaun validade informasaun ho atensaun
- Backup dadus no foti medida protesaun ba seguransa informasaun
- Instala no atualiza software ka sistema operasionál ne'ebé ekipa uza
Rekerimentu
- Background estudu: IT, Managementu Informátika, Teknolojia Informasaun no Sístema
- Tinan 1 ba leten servisu ona hanesan IT no baze dadus iha instituisaun Governu, organizasaun lokal ou internasional ruma
- Skill uja komputador ne'ebé avansadu, MS Office no espesífiku iha Excel avansadu
- Komprende kunseitu baze de dados no rede komputadór (hardware, software, internet, no routers)
- Prontu atu servisu voluntáriu no iha dedikasaun ho tempu ne'ebé definidu
- Kapasidade atu rezolve problema tékniku ho lalais no ho atensaun ba detalle
- Abilidade lingua: Tetun diak no se hatene lingua seluk hanesan lingua Indonesia, Português, Inglês no lian dialektu seluk ne'e hanesan vantajen
- Bom Comportamento
Halo reportazem ba
Jestor Programa
Area servisu
Dili
Oinsá atu aplika
Vaga ida ne'e loke ba Timor-oan enkoraja maluk feto no maluk defisiensia sira ne'ebé iha interese atu aplika.
- Kurríkulu Vitae ho testemuña mínimu na'in rua (2) no Karta Aplikasaun iha lian Tetun dirije ba Rekursu Umanu no aneksu dokumentu suporta seluk iha fatin PRADET, Aldeia Efaca, Suku Manleuana, Dili Timor Leste
- Bele submete liu husi e-mail: [email protected]
- Númeru kontaktu: (+670) 78475910 / Wa: 76218927
- Kandidatu sira ne'ebé tama iha short list/lista badak deit maka sei kontaktu ba intervista
