Moderadora ba Aplikasaun Reprodutiva (Consultant)

Iha Timor-Leste, Labarik Feto sira menus koñesimentu kona-bá Edukasaun Saúde Seksuál no Reprodutiva (ESSR) ne’ebé mak kontribui isin-rua no kaben ho minoridade iha Timor-Leste, iha 19% husi labarik Feto kaben antes idade 18 no 24% iha oan antes idade 20. Maioria 17% labarik feto iha idade 15-19 mak sai ona inan (hahoris oan): 1% husi idade 15 sae to’o 18% husi idade 19. Iha parte seluk menus koñesimentu kona ba ESSR ne’e mós halo labarik feto sira laiha abilidade atu foti desizaun ne’ebé di’ak ba sira-nia saúde no dezenvolvimentu fíziku.

Atu responde ba situasaun ida ne’e, Plan International Timor-Leste en kolaboarasaun ho Ministériu Saúde (Departamentu Promosaun Saúde no Saúde Adolesente no Joven) liu husi projetu Labarik Feto ho Teknolojia ho objetivu atu hasa’e kualidade asesu ba informasaun ESSR no fornese servisu ba adolexente no foin-sa’e sira, projetu ida ne’e sei servisu besik liu ho labarik feto no foin-sa’e feto hodi fornese oportunidade hodi forma sira nia abilidade no koñesimentu atu kompriende sira nia direitu ba deside liu husi edukasaun no aplikasaun ida ho naran REPRODUTIVA.

Aplikasaun REPRODUTIVA ne’ebé Plan International Timor-Leste dezenvolve hodi fornese espasu seguru ba labarik feto, labarik mane, adolesente no joven sira hodi asesu informasaun kona-bá saúde sexual no reprodutiva no fornese tratamentu ba labarik, adolexente no foin-sa’e sira hotu atu bele halo diskusaun interativa ho professional saúde sira hodi hato’o sira nia preokupasaun relasiona ho saúde reprodutiva no sexual, liu husi chat no telefone ho gratuita. Nune’e mak Plan International Timor-Leste buka hela profesional saúde Feto 1 hodi:

1. Modera Aplikasaun Saúde Reprodutiva liu husi responde ba pergunta no kontaktu husi utilizador/a sira inklui publika informasaun relevante sira iha aplikasaun
2. Fornese atividade kapasitasaun kona-bá treinamentu saúde reprodutiva no sexual ba labarik, adolexente, joven, manorin, inan-aman no lider lokal sira iha Aileu, Ainaro no Díli

Títulu

1 Moderadora (Feto) 

Área Funsiona

Country Program II

Relata ba

Jerente Projetu no Xefi Departamentu Promosaun Saúde (Ministériu Saúde)

Lokal

Díli

Viazen nesesária

100%

Data efetivu

Jullu 2024 – Juñu 2025 iha posibilidade sei extende

TBC

PAPEL

Moderadora ba projetu Labarik Feto ho Teknolojia sei responsável ba partilla informasaun ne’ebé kualidade kona-bá Saúde Sexual no Reprodutiva, hatan ba pergunta husi utilizador/a sira, partilla pontus importante liga ho Edukasaun Saúde Sexual no Reprodutiva nian iha grupu konversaun. Moderadora sei suporta ekipa projetu hodi garante efetividade implementasaun husi atividade sira tuir objetivu no expetasaun.

DIMENSAUN HUSI PAPEL

Moderadora ba aplikasaun presiza servisu hamutuk ho Jerente Projetu, Jerente Programa II PITL,  Asesora ESSR PITL, Jerente Komunikasaun, Jerente IT no Ministériu Saúde (Departamentu Promosaun Edukasaun no Saúde no Saúde Adolexente no Joven) inklui instituisaun relevante no edukador de pares iha Aileu, Ainaro & Díli.

ESPERIÉNSIA TÉKNIKA, ABILIDADE NO KOÑESIMETU

Esensial:

• Demonstra experiénsia no koñesimentu kona-bá saúde sexual no reprodutiba
• Demonstra grau profesionalizmu no integridade
• Abilidade hodi servisu ho konfidensialmente
• Abilidade hodi kumpri tempu determinadu no responde ba sujestaun sira ho forma adekuadu
• Promove servisu ekipa, kooperasaun no inovasaun iha ekipa no halo ligasaun ho Ministériu Saúde no parseiru relevante sira
• Abilidade hodi harii no mantém relasaun ne’ebé forte entre rede servisu no iha abilidade inter-personal
• Iha abilidade organizasional ne’ebé forte, servisu ekipa, resolve problema no aproximasaun analítiku
• Abilidade hodi uza teknolojia dijital no monitoriza liu husi dashboard
• Abilidade analítika no hakerek relatóriu
• Abilidade komunikasaun iha Tetun no English
• Abilidade ba fasilitasaun
• Flexibilidade hodi adapta mudansa situasaun hodi atinji objetivu projetu
• Koñesimentu kona-bá igualdade jéneru no inkluzaun inklui polítika protesaun labarik

Desejável

• Lisensiadu/a iha área sáude nian
• Kursu profisional kona-bá saúde sexual no reprodutiva
• Mínimu iha esperiénsia servisu ho komunidade liga ho asuntu saúde sexual no reprodutiva
• Kompriende isu atual sira iha Timor-Leste, tendénsia, dezafiu no implikasaun ba implementasaun ba dezenvolvimentu komunidade iha Timor-Leste

OINSA ATU APLIKA

Plan International Timor-Leste sei simu aplikante kualifikadu sira no espera kandidatu sira ne’ebé pasa bele hala’o servisu hahú iha Jullu 2024. Aplikante sira ne’ebé interese bele submete Kurikulum Vitae ho referénsia ema na’in 3 no Karta Aplikasaun ho eletronikamente ba email: [email protected] ou bele direita submete  dokumentu iha eskritóriu Plan International Timor-Leste iha Bairo dos Grilhos. Data ikus iha 05 Julho 2024.