Konsultór/a hodi Fornese Treinamentu kona-ba Jéneru no Mudansa Klimátika

Oxfam iha Timor-Leste (OiTL) oras ne'e lidera hela projetu ida kona-ba Finansa Klimátika iha ámbitu Programa Kotui tinan lima. Programa tinan lima (2021-2026) ne'e lidera husi Oxfam Aotearoa iha kooperasaun ho Oxfam iha Timor-Leste no Oxfam iha Pasifiku no foka liu ba hasa'e reziliensia feto no grupu sira ne’ebé vulneravel liu ba krize klimátika. Komunidade iha área rurál sira, liuliu feto sira ne’ebé hela iha risku aas liu husi impaktu ne'ebé kauza husi mudansa klimátika.

Projetu Finansiamentu Klimátika ho objetivu atu tau matan no suporta governasaun di'ak no impaktu husi fundu sira iha setór adaptasaun klimátika nian liuhusi monitoriza no influénsia polítika, lei no orsamentu iha nivel lokál no nasionál. Projetu ne'e mós tau matan substansialmente  ba asuntu transparénsia orsamentál no akontabilidade.

Projetu Finansiamentu Klimátika ne'e promove enkuadramentu partisipativu ida liu husi kolabora ho parseiru barak hodi asegura katak ekipa ne'ebé di'ak no forte hodi fornese rezultadu tangivel, signifikativu no transformativu. OiTL servisu hamutuk ho parseiru sira hanesan Core Group Transparency (CGT) no Feto foin sai iha sékulu 21 husi Asosiasaun Alumni Parlamentu foin sa’e Timor-Leste (APFTL). OiTL konsentra esforsu atu haforsa koñesimentu no abilidade atu harii advokasia bazeia ba evidénsia. Área prinsipál sira ne'ebé foka liu ba dezenvolve prosesu monitorizasaun hodi monitoriza ho loloos fluxu/lala'ok sira husi Finansas Klimátika iha Timor-Leste laran no, atu avalia alokasaun no despeza sira husi fundu iha nivel komunidade, no atu avalia benefísiu sira husi fundu hirak-ne'e ba feto no grupu vulneravel sira seluk.

Dezigualdade jéneru hanesan asuntu esensiál ba projetu tanba  feto sira dala barak vulneravel liu ba mudansa klimátika. Importante tebes ba feto sira atu hola parte iha prosesu foti desizaun ne'ebé afeta sira-nia asesu ba rekursu sira-nian oportunidade no servisu sira ba reziliensia iha krize klimátika.

Objetivu

• Fornese konseitu báziku jéneru atu hasa'e koñesimentu no konsiénsia kona-ba dimensaun jéneru.
• Fornese treinamentu kona-ba dimensaun jéneru husi mudansa klimátika no ninia impaktu ba feto sira, liuliu iha komunidade vulneravel sira.
• Esplora estratéjia sira atu fó kbiit ba feto sira hanesan ajente ba mudansa iha reziliensia klimátika no promove rede no kolaborasaun entre parte interesada sira ne'ebé servisu iha intersesaun jéneru no mudansa klimátika.

Partisipante

• Partisipante ne’ebé targeta iha treinamentu ne’e hamutuk 25 ne’ebé mai husi
• APFTL-Feto foin sa’e sékulu 21
•     Core Group Transparency (CGT)
•     Oxfam

Topiku sira  ba Treinamentu

Topiku ne’ebe sei fornese husi konsultan sei kobre materia baziku kona-ba konseitu báziku Jéneru, Do no Harm (Evita Aumenta Risku), Violensia bazeia ba Generu Mudansa klimatika, interrelasaun mudansa klimatika no Jeneru partikularmentu adaptasuan  iha setor agrikultura, be mos no seluk. Alende topiku hirak ne’e sei explora mos topiku relevante sira seluk  hodi fornese. Konsultant sei servisu besik ho ekipa Oxfam partikularmente ekipa jusitsa klimatika no justisa Jeneru.

Servisu ne’ebé sei kobre mak:                          

Konsultór/a espekta atu fornese servisu sira mak hanesan:

Preparasaun kona ba konteúdu, materia, planu treinamentu no apresentasaun sira, no konsulta ho Ekipa Oxfam hodi hetan komentariu. Apresenta no hetan aprovasaun husi Jestor Programa Justisa Klimátika ba planu no preparasaun hirak ne’e.

• Sujere atu iha formatu ekipa servisu no diskusaun grupu ne’ebé bele asegura katak iha partisipasaun ativu husi partisipante sira.
• Sujere atividade ekipa ne’ebe kreativu no inovativu

1. Fornese servisu ne’ebé di’ak hodi fasilita implementasaun, maioria iha lian Tetun.

• Hasae Kohesimentu: Partisipante iha koñesimentu kona-bá Jéneru, mudansa klimátika no ligasaun Jéneru no mudansa klimátika.
• Estabelesimentu Rede: Apoia kriasaun rede ka grupu servisu ida atu kontinua ko'alia, troka koñesimentu, no kolabora kona-ba asaun klimátika ne'ebé responde ba jéneru.
• Relatoriu Sorumutu: Kompilasaun informasaun, rekomendasaun no pontu asaun xave sira ne'ebé mak hetan durante treinamentu no pre no pos-test.
• Dezenvolve dokumentu ida-ne'ebé konkluzivu hodi sumáriza importánsia husi integrasaun jéneru iha mudansa klimátika iha projetu finansas klimátika.

OiTL nia Responsabilidade:

• Fornese informasaun no komentariu kona ba inisiativa no objetivu save sira.
• Fornese informasaun sira ba konsultór ne’ebé selesionadu tuir determinasaun tempu ne’ebé iha hodi bele fasilita treinamentu ne’ebé di’ak
• Jerente programa Justisa Klimátika mak  responsavel hodi reprezenta Oxfam iha Timor-Leste no sei apoiu ba prosesu foti desizaun relasiona ho partisipasaun no prosesu treinamentu ida ne’e.

Orsamentu ba servisu konsultasaun:

Konsultór/a sei aprezenta proposta inklui mós nia CV. Proposta ne’e sei inklui estimasaun tempu no esforsu ba kada responsabilidade servisu inklui mós kustu servisu kada loron nian. Kustu sira ne’e sei bazeia ba konkordánsia hamutuk tuir servisu ne’ebé sei oferese inkluzivamente no inklui mós taxa.

Hahán, material workshop no akomodasaun sei oferese husi Oxfam durante Treinamentu.

Entrevista:

Prosesu entrevista sei arranja bazeia konsultór/a ne’ebé tama ba selesaun. Konsultór/a sei hetan selesaun bazeia ba prinsipiu tuir proposta valór osan ne’ebé konsideradu.

Supervizaun:

Konsultór/a sei relata ba Jerente programa Justisa Klimatika no, servisu besik ho ekipa Justisa Klimátika

Durasaun tempu ba Servisu Konsultasaun

Estimasaun tempu ne’ebé sei aloka ba kontratu servisu ida ne’e mak durante loron 12 to 20 tempu servisu nian, inklui ona servisu sira pre- Trainamentu, durante no durante treinamentu.

Rekerimentu Minimum ne’ebé presiza mak

• Remata Universidade ho nivel ekivalente iha área Ambiente, Jeneru estudu  Rekursa Naturais, Siénsia Sosiál, Formasaun/Edukasaun iha Jestaun Programa ka estudu relevante sira seluk
• Demonstra nia abilidade iha fasilita treinamentu buka solusaun ba diferensa hanoin ka perspetiva sira
• Iha abilidade di’ak tebes ba komunikasaun no aprezentasaun
• Hatudu esperiénsia servisu kona-ba fasilita ona Treinamentu sira relasiona ho jeneru, Mudansa Klimatika no relasaun Mudansa klimatika no Jeneru
• Iha ona experiensia servisu hamutuk ho Oxfam iha Timor-Leste sei sai vantajen.
• Iha abilidade hodi fasilita ho lian Tetum no Ingles sei sai vantazen  

Entrevista ba konsultór/a ne’ebé selesionadu sei hala’o ho ekipa painél hodi avalia ninia kualifikasaun no koñesimentu. Rekoñesimentu sei haruka deit ba konsultór/a ne’ebé tama iha lista kandidatu ne’ebé eskolla.

Data ikus submete aplikasaun mak 07 Marsu 2024. Ita boot sira bele manda aplikasaun ba Benigna Vicente Martins liu husi email [email protected] no [email protected]

Karik iha pergunta tékniku ruma bele kontaktu Lucio Savio nu’udar nudar Jerente ba Programa Justisa Klimatika  ho Numeru telephone +670 7741 0476