Servisu Assesoria Jurídika

Marie Stopes International Timor Leste (MSITL), nu'udar membru (Branch) husi MSI Reproductive Choice (MSI) Global. MSI hanesan organizasaun naun governamental (ONG), espesializada fó apoiu no fornese servisu Planeamentu Familiar no Saúde Sexual Reprodutiva ho kualidade. MSITL hahú estabelese iha Timor-Leste iha tinan 2006 liu husi parseria ho Ministério da Saúde (MdS) ho akordu nota de Entendementu/ Memorandum of Understanding (MoU) ba implementa estratejia nasionais ba saúde reprodutiva hodi atinji objetivu nasionais sira ba saúde maternal nian ho esperansa ida ba hadi'a saúde no moris-di'ak komunidade sira nian liuhosi prestasaun servisu saúde ho kualidade, advokasia, no inisiativa fortalesimentu sistema sira.

Hanesan parte ida husi MSITL nia kompromisu atu mantein padraun aas liu kona-ba kumprimentu legál, governasaun, no jestaun risku, ami buka empreza legál ne'ebé kualifikadu atu fornese servisu sira asesoria legál no reprezentasaun nian tuir nesesidade.

Ámbitu Servisu Legál

• Halao sesaun diseminasaun informasaun legal ba ekipa MSITL bazeia ba topiku neébe mak Organizasaun hatoó
• Apoiu, Interpreta, rekomenda asuntu sira kona-ba dokumentus legal iha Timor Leste
• Apoiu hodi asegura Politika, regulamentu, Prosedimentu, Organizasaun nian refleta dokumentu legal Nasaun Timor Leste nian
• Apoiu konaba governasaun organizasaun no rekezitu sira kumprimentu nian
• Apoiu hodi rekomenda rezolve disputa sira iha servisu fatin, no mos ho parte external
• Konsellu ba desizaun internu sira hodi asegura refleta prosedimentu legal sira neébe mak relevantes
• Apoiu iha mediasaun, arbitrajen, negosiasaun, no prosesu sira litigasaun nian
• Konsellu kona-ba asuntu regulatóriu, rejistu, tributasaun, no konformidade ne'ebé aplikavel ba ONG no INGO sira

Rekizitu Kualifikasaun

• Perfil empreza nian no detalle sira rejistu legál nian
• Deskrisaun kona-ba servisu legál relevante sira ne'ebé fornese ba ONG sira, INGO sira, organizasaun dezenvolvimentu sira, ka entidade internasionál sira
• Kualifikasaun no esperiénsia hosi profisionál jurídiku sira ne'ebé firma iha
• Referénsia sira hosi kliente atuál ka antigu sira, karik iha
• Esperiénsia iha lei traballu, lei kontratu, governasaun korporativa, rezolusaun disputa, no litigasaun

Proposta Taxa/Tarifas

Aleinde Espresaun Interese, MSITL mos hakarak hetan konfirmasaun ba tarifas ou Honorarios profisionál nian, inklui:

• Tarifa ba kada sesaun diseminasaun informasaun legál nian
• Tarifas wainhira suporta organizasaun iha konsulta legál
• Tarifas sira seluk seluk neébe iha ligasaun ho asuntu Jurídika

Oinsa Atu Aplika

Submete ita nia espresaun interese no dokumentus relevantes liu husi email ba [email protected]

Subject line hakerek: Naran husi ema neébe envia email no Naran Firma nian (Ezemplu: XCBD_LegalFirm)

Prosesu mandatoriu seluk hanesan asina deklarasaun salvaguarda (Protesaun ba labarik no adultu vulnerável), kodigu konduta, no prevensaun ba esplorasaun seksuál, abuzu no Asédiu sei fornese iha prosesu asina kontratu ho firma.