HAMNASA buka hela Nasionálidade Timor-oan ida ba pozisaun Ofisiál Rejistu nian ne'ebé sei baze iha Dili. Ofisiál Rejistu sei sai individuál ida-ne'ebé iha motivasaun no dinámika atu lidera asuntu no responsabilidade hotu-hotu ne'ebé relasiona ho programa HAMNASA nian daudaun ne'e hanesan Atividade husi UNICEF - Mobile Birth Registration ne’ebe foka ba hala'o rejistu moris movel no estabelese koordenasaun lokál ho mekanizmu atu hadi'a sistema rejistu moris iha Timor-Leste. Programa ida ne’e ninia objetivu maka hodi hametin sistema rejistu moris, iha nivel munisípiu liu husi apoiu UNICEF no Ministeriu Justisa hodi hala'o kampaña movel moris iha munisípiu prioridade sira maka hanesan Ermera, Manatuto, Manufahi no Oecusse. Ofisial Rejistu sei servisu halo kampaña konsiénsia no mudansa hahalok hodi sensibiliza komunidade sira iha área remota sira kona-ba importánsia rejistu moris nian liu husi halo koordenasaun no implementasaun atividade ba iha munisípiu tarjetu sira no sei kria relasaun ne’ebé diak ho autoridade lokal no parseiru sira atu bele implementa atividade ho qualidade hodi alkansa objetivu ho susesu.
Responsabilidade:
Implementasaun Atividade
- Asiste no suporta Koordenador Programa iha koordenasaun no implementasaun atividade baze hotu-hotu ba programa rejistu nian.
- Asiste no suporta dezenvolvimentu planu servisu ba rejistu moris nian iha baze.
- Halo kampaña liu husi media sira kona ba improtancia rejistu moris nian.
- Suporta kolesaun data rutina no regular ba programa rejistu moris nian no hala’o estudu iha komunidade.
- Halo ligasaun ho xefe suku no lideransa komunidade munisipál ne’ebé relevante hodi asegura katak sira iha koñesimentu no intende di’ak planu servisu ba programa rejistu moris nian.
- Koordena no implementasaun Sesaun Informasaun no Aprende ho komunidade jerál inklui mós Joven sira iha nivel Aldeia ne’ebé identifikadu seidauk rejitu labarik sira
Relatóriu
- Submete relatorio atividades ho efectivu no tuir tempo ne’ebé determinadu ba Koordenador Programa.
- Asiste Koordenador Programa hodi prepara relatóriu sira, wainhira presiza.
- Asiste no suporta aprezentasaun no feedback loops iha munisípiu ne’ebé tarjetu bá, uainhira presiza
Responsabilidade seluk-seluk
- Hala’o servisu seluk tuir rekezita husi Koordenador Programa kona ba rejistu labarik hodi suporta ekipa.
- Atende enkontru external relevante sira wainhira presiza
- Promove ambiente ida ne’ebé mos no seguru; promove kultura konsientemente ba seguransa tuir polítika, prosedimentu no diretivu HAMNASA
- Defende no promove komitmentu HAMNASA nian ba Protesaun Labarik, Kódigu Konduta no Polítika Zero Toleránsia ba Fraude, Protesaun Labarik no Asedu sira seluk nomos bom komportamentu.
Kritéria Selesaun
- Graduadu, prefere liu iha área Siénsia Sosiál ka área relasionadu.
- Esperiénsia minimum tinan rua iha área Siénsia Sosiál ho ONG ka ajénsia internasionál sira
- Prefere liu servisu ho projetu sira ne'ebé hetan fundu husi doadór
- Esperiénsia kona-ba dezeñu no implementasaun kampaña no rejistu nian
- Hatene Lian Ingles (ko’alia, lee, no hakerek) no fluente iha lian Tetun
- Esperiénsia servisu ho parseiru oin-oin inklui setór privadu, governu, ONG sira
- Hetan vasina COVID-19 kompletu inklui doze 3 (Booster)
- Bom komportamentu
Termus no Kondisaun:
Tipo Kontratu kurtu prazu. (Short Term Contract)Hatama CV , karta aplikasaun no diriji tuir kritéria ba email [email protected] até fin do dia Kuarta, 5 Jullu 2024, Oras Tuku 5:30pm Lorokraik.
