Pozisaun : Ofisiál Komunikasaun (loke ba Timor oan de’it)
Relata ba : Diretór Ezekutivu HAMNASA
Serbisu Fatin : Dili ho viajen ba munisipiu sira ne’ebé HAMNASA servisu ba.
Introdusaun
Hamutuk Nasaun Saudável (HAMNASA) hanesan organizasaun nasionál Naun Governmental. HAMNASA (antes Health Alliance International) Servisu besik liu ho Ministériu Saude (MdS) Timor Leste dezde independénsia iha tinan 2002, hametin sistema saúde nasionál, liuliu iha area Saude Inan, bebé foin moris no labarik. Misaun HAMNASA’s nian mak komunidade ne’ebé saudável iha Timor Leste liu husi programa sira ne’ebé fortalese kuidadu saúde primária nian, envolve komunidade sira atu foti asaun responsabilidade ativu iha sira-nia saúde, no promove igualdade sosiál no saúde.
Deskrisaun Servisu
HAMNASA buka hela Nasionálidade Timor-oan ida ba pozisaun Ofisiál Komunikasaun nian ne'ebé sei baze iha Dili. Ofisiál Komunikasaun sei sai individuál ida-ne'ebé iha motivasaun no dinámika atu lidera asuntu no responsabilidade hotu-hotu ne'ebé relasiona ho programa HAMNASA nian daudaun ne'e hanesan Atividade husi USAID nian maka Hakotu Barera, Harii Moris Diak: Resposta Integradu VBJ iha Timor Leste.
Responsabilidade
- Dezenvolve estratéjia komunikasaun no vizibilidade ba HAMNASA bazeia ba programa nia objetivu estratéjiku sira.
- Dezenvolve matadalan kona-ba marka ba materiál komunikasaun oioin ne'ebé prodús iha programa sira, internal no external
- Suporta dezeñu no dezenvolve relatóriu ba doadór
- Prepara/atualiza fact sheets projetu nian hodi fahe ho parseiru internal no external sira
- Tau matan ba dezeñu no produsaun-liga ho material komunikasaun no vizibilidade, no asegura material komunikasaun hotu tuir duni doadór HAMNASA nia identidade no padraun marka
- Harii estratéjia ida ba konteúdu média sosiál ba programa sira atu hasa'e sira-nia vizibilidade tuir objetivu programa nian no plataforma média sosiál moderadu sira
- Dezenvolve no mantén baze-dadus ida kona-ba materiál visual hotu-hotu ne'ebé prodús husi programa sira hanesan fotografia, vídeo, infografika, logos, no seluseluk tan
- Kria konteúdu ba komunikadu imprensa, artigu, no keynote aprezentasaun sira tuir matadalan HAMNASA nian.
- Halibur lisaun sira ne'ebé aprende, hakerek istória susesu nian, no publika konteúdu sira ba website internu HAMNASA nian, posting Facebook no plataforma seluk HAMNASA nian
- Apoia ekipa programa iha planeamentu eventu, semináriu no konferénsia imprensa
- Apoia tradusaun dokumentu ka artigu ruma ba lian Tetun ka Ingles
- Halo knaar seluk tan ne'ebé presiza.
Kritéria Selesaun
- Graduadu, prefere liu iha área Komunikasaun, Siénsia Sosiál ka área relasionadu.
- Esperiénsia minimum tinan tolu iha area komunikasaun ho ONG ka ajénsia internasionál sira
- Prefere liu pernah servisu ho projetu sira ne'ebé hetan fundu husi doadór
- Hatudu esperiénsia kona-ba dezeñu no implementasaun kampaña komunikasaun nian
- Kbiit atu halo komunikasaun no publikasaun ne'ebé forte ho abilidade atu prepara fact sheet sira, aprezentasaun sira, posting média sosiál sira, istória susesu sira, no dokumentasaun sira ne'ebé hanesan
- Hatene Lian Ingles (ko’alia, lee, no hakerek) no fluente iha lian Tetun
- Esperiénsia servisu ho parseiru oin-oin inklui setór privadu, governu, ONG sira
- Vasinasaun COVID-19 dala rua
Termus no Kondisaun
Salariu $600 kada fulan (la inklui benefisiu sira)
Pozisaun ne’e loke ba Timor oan de’it.
Hetan vasina COVID-19 kompletu inklui doze 3 (Booster) hanesan rekerimentu ida ba pozisaun ne’e.
Hatama CV no karta aplikasaun diriji tuir kritéria ba email [email protected] até fin do dia Kuarta, 3 Abril 2024
