Ofisiál Saúde no Jéneru – Projetu AtPro

Konaba knaar

Pozisaun ne'e atu fasilita sesaun treinamentu saúde iha komunidade ho Grupu Rai no Empresta Osan sira ho tópiku: Prevensaun Raes Badak; Nutrisaun no Ekonomia iha Uma kain ligadu ho Importánsia Ijiene bazeia Estratéjia Mudansa Hahalok no Sosiál (SBC). Sesaun ne'e ho envolve Promotór Saúde Komunitária (PSK) ka organizasaun lokál (ko-fasiltadór), autoridade lokál no membru komunidade sira seluk ligadu ho asuntu saúde no nutrisaun, be'e mós ho saneamentu, protesaun labarik no prevensaun violénsia kontra feto no labarik.

Knaar ida ne'e presiza abilidade di'ak iha fasilitasaun treinamentu, abilidade komunikasaun, kolaborasaun di'ak ho ema seluk, iha abilidade desenvolve planu, organiza, no esperensia servisu ho pesoál eskola komunidade rurál sira.

Kriteria selesaun

• Mínimu Diploma universidade nian no/ka Treinu Vokásional iha estudos sosiál, no komunikasaun, Edukasaun, Jestaun, Desenvolvimentu Komunitaria, Umanidade ka ekivalente
• Mínimu esperiénsia servisu tinan 2-3 relevante ho pozisaun
• Esperiénsia iha mobilizasaun, fasilitasaun no fó formasaun ba komunidade iha área rural
• Prefere liu iha esperiénsia servisu ho komunidade no eskola sira iha área rural
• Bele servisu ho integridade implementa prosedimentu no prosesu ho supervisaun ne'ebé mínimu
• Komprensaun ne'ebé di'ak kona-ba metodolojia partisipatóriu
• Abilidade komunikasaun ne'ebé di'ak iha lian Tetún, básiku iha lian inglês nomos abilidade ko'alia lian lokál

Oinsá atu aplika

Haruka CV no karta aplikasaun liu husi email ba [email protected] KA submete iha departamentu Rekursu Umanu iha CARE nia eskritóriu iha Bairo Pite, Dili.