OBJETIVU POZISAUN
Atu suporta WVTL nia atividade liu husi responsabilidade lori kareta no maintain no hadia kareta sira bazeia ba politika no matadalan sira neébe establese ona husi WVTL.
RESPONSABILIDADE /KNAAR SERVISU
Lori Kareta
- Utiliza kareta sira ba World Vision nia projeitu sira ka nesesidade jeral sira neébe relevante ho edifisiu nia presija
- Responsabilidade lori kareta, halo tuir diresaun trafiku sira no respeitu limitasaun velosidade ne’ebe estabelese ona no regulamentu internal sira seluk kona ba uza kareta sira.
- Mantein logbook/diariu viajen ne’ebe inklui, kilometrazem kada loron, ema ne’ebe ita lori ho kareta, irregularidade ka estragu ruma ba kareta, no manutensaun ne’ebe presija ba kareta.
- Prepara relatoriu asidente ba WVTL bainhira akontese asidente ruma.
Manutensaun Kareta
- Relata kareta atu halo manutensaun bazeia ba kilometrazen neébe estabelese ka no estragu ruma ne’ebe presija atensaun.
- Hala’o manutensaun jeral ba kareta ne’ebe inklui, hamoos kareta, tau atensaun ba roda no travaun, radiator, kontrolu mina, fornesimentu kombustivel, roda rezerva no nesesidade sira seluk ba kareta.
- Asegura mina ne’ebe adekuadu kada loron
- Asiste planu atu halo manutensaun ba kada kareta
- Husu hola kareta nia parte sira bainhira presija
- Prepara relatoriu ba kada servis no anota kualker problema ne’ebe infrenta durante service/halo manutensaun kareta ne’e.
- Performa manutensaun preventive.
- Kompleta diariu manutensaun no hadia kareta.
Seluk tan
- Halo servisu espesifiku sira seluk ne’ebe hetan husi WVTL
- Komitmentu ba valor World Vision International sira nian
TERMU NO KONDISAUN
Loron servisu ba pozisaun ne’e la fixu no sei bazeia ba nesesidade husi organizasaun. Kondutor sei hetan pagamentu $20 kada loron servisu no pagamentu sei prosesu kada fulan, bazeia ba loron servisu atual. Pozisaun ida ne’e sei baze iha Dili no sei halo viajen ba munisipiu sira seluk.
DOKUMENTUS NE’EBE PRESIJA
- CV/Rezumu
- Foto kopia BI/Eletoral
- Foto kopia Pasaporte ne’ebe sei validu (hodi bele halo viajen ba Oecusse)
- Foto kopia Karta Kondusaun Karreta (SIM) ne’ebe sei validu
- Foto kopia Bom Komportamentu (tenser submete bainhira hetan ona selesaun)
Ba maluk sira ne’ebe iha interese bele submete sira nia dokumentus sira iha leten iha edifisiu World Vision Dili, ka bele haruka liu husi email [email protected]. no loron ikus atu hatama aplikasaun iha loron Sesta Feira (1 Marsu 2024) tuku 5 lokraik
