Asistente Programa - Fatin Hakmatek Maliana

PRADET (Rekuperasaun no Dezenvolvimentu Psikososiál iha Timor-Leste) estabelese ona nu'udar ONG nasionál iha 2002 hodi fornese serviso psikososiál ba ema ne'ebé hetan trauma, moras mentál no problema psikososiál sira seluk. Fatin Hakmatek nu'udar programa ida husi programa seluk ne'ebé implementa iha PRADET.

PRADET-Fatin Hakmatek fó fatin seguru, tratamentu médiku no halo dokumentasaun evidensia ba kliente ne'ebé experiensia violénsia doméstika, violénsia sexual no abuzu ba labarik.

Agora dadauk PRADET buka hela Asistente programa nain ida atu servisu iha Fatin Hakmatek Munisípiu Bononaro (Maliana).

Responsabilidade

• Apoiu team ho kondisaun ne'ebe preparadu hodi halo atendementu imediatu bainhira simu referral kliente iha Fatin Hakmatek Maliana
• Akompaña kliente/sobrevivensia ho seguru iha Fatin Hakmatek ka akompaña ba simu tratamentu iha Hospital, suporta servisu referral no seluk
• Halo komunikasaun ne'ebé di'ak ho ekipa servisu, vitima, membru komunidade no parseiru sira
• Kontribui ba kria ambiente iha servisu fatin ne'ebe hakmatek, seguru no asegura konfidensialidade
• Suporta Kordenadora ho team programa hodi halo planu atividade no preparasaun matériais ba treinamentu/workshop
• Apoiu Kordenadora ba preparasaun relatóriu nesesariu sira ba atividade sira nebe hala'o iha terenu

Rekerimentu sira

• Sertifikadu ona iha nivel Universitariu, kursu relevansia seluk ne'ebe koresponde ba kontestu servisu sosial nian ou Mínimu remata escola secundária
• Iha esperiénsia serbisu ho asuntu violénsia bajeia ba jéneru inklui prevensaun violénsia kontra feto no labarik, esperiensia servisu sosial relevansia no seluk
• Abilidade diak iha; lee, hakerek no ko'alia Tetun no lian dialektu. Abilidade di'ak iha língua inglês no português ne'e hanesan vantajen
• Iha skill uza komputador ho nivel ne'ebé standard no karik avansadu ne'e diak liutan no bele halo korespondensia ho e-mail
• Dokumentu Bom Comportamento

Oinsá atu Aplika

Vaga ida ne'e loke ba Timor-oan enkoraja liu ba maluk Bobonaro-oan, feto no mane inklui maluk defisiensia sira ne'ebé iha interese atu aplika.

Kurríkulu Vitae ho testemuña mínimu na'in rua (2) no Karta Aplikasaun iha lian Tetun/Português ka Inglês dirije ba Rekursu Umanu no aneksu dokumentu suporta seluk iha fatin PRADET, Aldeia Efaca, Suku Manleuana, Dili Timor Leste no bele submete mós iha edifísiu Fatin Hakmatek iha kampaun Hospital Referral Munisípiu Bobonaro (Maliana).

Ou liu husi e-mail: [email protected]

Númeru kontaktu: (+670) 78475910 / 76218927 (Reponsabel Dili) no (+670) 78088591 (Responsabel Fatin Hakmatek Maliana)

Kandidatu sira ne'ebé tama iha shortlist/lista badak deit maka sei kontaktu ba intervista.

Informasaun detallu