Konsultor ba Revizaun Teoria ba Mudansa

Objetivu

1. Fornese analiza kona-ba Projetu Finansiamentu Klimátika nia MEPA liu husi rasionaliza objetivu, atinzimentu no indikadór sira bele atinji tuir tempu projetu nian
2. Halo Intrepretasaun TbM no MEPA ho maneira ne'ebé simples no fasil atu komprende
3. Halo revizaun ba Projetu Finansiamentu Klimátika nia TbM no MEPA ne'ebé fasil, simples no bele atinji
4. Garante katak TbM no MEPA fasil atu intende ho didi'ak inklui maneira sira ne'ebé sei uza hodi atinji rezultadu sira ne'ebé hakerek  iha TbM no MEPA

Partisipante

Partisipante ne’ebé targeta iha servisu ne’e mak Oxfam ho nia parseiru mak hanesan

1. Oxfam, ekipa finansiamentu klimátika
2. APFTL-Feto foin sa’e sékulu 21
3. Core Group Transparency (CGT)

Servisu ne’ebé sei kobre husi konsultór mak:                          

Konsultór/a espekta atu fornese servisu sira mak hanesan:

Prepara planu ba halo analiza no revizaun ba konteúdu TbM no MEPA, sei halo aprezentasaun ho ekipa iha projetu finansiamentu klimátika iha Oxfam hodi hetan komentáriu. Planu servisu sei hetan aprovasaun husi Jestor Programa Justisa Klimátika. Aleinde ne’e, iha atividade seluk ne'ebé konsultor sei hala'o mak hanesan

1. Tuir enkontru preleminaria  hodi hetan esplikasaun kona-ba TbM no MEPA husi ekipa Oxfam.
2. Halo analiza, revizaun no fó rekomendasaun ne'ebé razoavel ba rezultadu tempu badak, klaran, tempu naruk, indikadór nune’e mós atividade sira ne'ebé hatuur ona iha TbM no MEPA ho interpretasaun ne'ebé tanzivel tuir tempu projetu nian
3. Sei fasilita workshop ho ekipa projetu finansiamentu klimátika hodi aprezenta ezbosu revizaun no halo diskusaun ba analiza, rekomendasaun no revizaun ne'ebé hala'o ona
4. Fasilita workshop partisipativu ho parseiru sira hodi aprezenta rezultadu revizaun TbM hodi rona parseiru nia opiniaun no rekomendasaun
5. Finaliza TbM no MEPA versaun finál no submete mai Oxfam

OiTL nia Responsabilidade:

Fornese informasaun no komentáriu kona ba inisiativa no objetivu save sira.

1. Fornese informasaun sira ba konsultór ne’ebé selesionadu tuir determinasaun tempu ne’ebé iha hodi bele hala'o nia servisu ho di'ak
2. Jerente programa Justisa Klimátika mak  responsavel hodi reprezenta Oxfam iha Timor-Leste no sei apoiu ba prosesu foti desizaun relasiona atividade sira ne'ebé sei organiza.

Orsamentu ba servisu konsultasaun:

Konsultór/a sei aprezenta proposta inklui mós nia CV. Proposta ne’e sei inklui estimasaun tempu no esforsu ba kada responsabilidade servisu inklui mós kustu servisu kada loron nian. Kustu sira ne’e sei bazeia ba konkordánsia hamutuk tuir servisu ne’ebé sei oferese inkluzivamente no inklui mós taxa.

Hahán no materiál workshop sei oferese husi Oxfam durante Treinamentu.

Entrevista:

Prosesu entrevista sei arranja bazeia konsultór/a ne’ebé tama ba selesaun. Konsultór/a sei hetan selesaun bazeia ba prinsípiu tuir proposta valór osan ne’ebé konsideradu.

Supervizaun:

Konsultór/a sei relata ba Jerente programa Justisa Klimatika no, servisu besik ho ekipa Justisa Klimátika

Durasaun tempu ba Servisu Konsultasaun:

Estimasaun tempu ne’ebé sei aloka ba kontratu servisu ida ne’e mak durante loron 5-7, inklui ona loron workshop sira ne'ebé mensiona.

Rekerimentu Minimum ne’ebé presiza mak:

1. Iha Esperensia no koñesimentu di'ak kona-ba TbM no MEPA prefere liu  iha área Ambiente, Jeneru estudu  Rekursa Naturais, Siénsia Sosiál, Formasaun/Edukasaun iha Jestaun Programa ka estudu relevante sira seluk
2. Demonstra nia abilidade hodi halo analiza no interpretasaun ne'ebé tanzivel no iha abilidade fasilita workshop, buka solusaun ba diferensa hanoin ka perspetiva sira
3. Iha abilidade di’ak ba komunikasaun no aprezentasaun
4. Hatudu esperiénsia servisu kona-ba fasilita ona workshop sira relasiona ho TbM, MEPA, jéneru, Mudansa Klimatika no finansiamentu klimátik
5. Iha ona esperiénsia servisu hamutuk ho Oxfam iha Timor-Leste sei sai vantajen
6. Iha abilidade hodi fasilita ho lian Tetum no Ingles sei sai vantajen  

Entrevista ba konsultór/a ne’ebé selesionadu sei hala’o ho ekipa painél hodi avalia ninia kualifikasaun no koñesimentu. Rekoñesimentu sei haruka de'it ba konsultór/a ne’ebé tama iha lista kandidatu ne’ebé eskolla.

Data ikus submete aplikasaun mak 26 Junu 2024. Ita boot sira bele manda aplikasaun ba Benigna Vicente Martins liu husi email [email protected] no [email protected]

Karik iha pergunta tékniku ruma bele kontaktu Lucio Savio nu’udar nu’udar Jerente ba Programa Justisa Klimatika  ho Numeru telefone +670 7741 0476