Ofisial Kampu

USD $442 kada fulan

OBJETIVU POSISAUN NE’E:

Ofisiál Kampu ne'e sei responsavel liu ba atividade monitorizasaun no akompañamentu iha aldeia 12 ne'ebé HAFORSA 2 suporta atu nune'e grupu agrikultór 12 bele kontinua sira-nia atividade agrikultura. Nia mós sei tulun implementasaun atividade sira iha komunidade alvu HAFORSA 3.

Pozisaun ida ne’e sei bazeiadu iha munisipiu Ermera, postu administrativu Atsabe, no sei halo viajen regulár ba komunidade sira iha aldeia hodi halo atividade. ofisial kampu mós sei ajuda kolega sira seluk atu lidera treinamentu no fasilita reuniaun sira.

RESPONSABILIDADE PRINSIPÁL:

• Tuir matadalan husi Adjuntu Projetu (DPM), Ofisial Senior Projetu (SPO) no Ofisial Projetu (PO), koordena no ko'alia ho membru komunidade no grupu agrikultór sira atu hala'o atividade sira ne'ebé planeia ona.
• Suporta Adjuntu Projetu (DPM), Official Senior Projetu (SPO) no Ofisial Projetu (PO) iha atividade planeamentu no hala'o semináriu partisipativu komunitáriu no Planu Asaun Reziliente Aldeia (ARAP).
• Apoia Adjuntu Projetu (DPM), ofisial senior Projetu (SPO) no ofisial projetu (PO) kona-ba agrikultura hodi fasilita no fornese formasaun no atividade sira ba produtu hortikultura sira.
• Suporta Adjuntu Projetu, Senior Ofisial Projetu no Ofisial Projetu kona-ba enjeñaria sivíl hodi fasilita no fornese treinamentu no atividade sira konstrusaun no manutensaun ba instalasaun abastesimentu bee.
• Suporta Funsionariu MEL and Marketing Officer nian hodi halo monitorizasaun ba atividade projetu nian iha area tarjetu sira.
• Inisia enkontru ho ofisial senior Projetu SPOs/PO no MEL and Marketing officer hodi apresenta kobrementu sira depois de monitorizasaun.
• Koordena no suporta membru FMC sira hodi toma atensaun ba deskobrimentu sira ne’ebe hetan durante monotorizasaun.
• Coordena/mobiliza autoridade local (chefe suco, chefe aldeia, chefe grupu inklui membru sira) liga ho atividade sira ne’ebe sei halao iha area tarjetu.
• Ajuda membru grupu toos na’in sira atu buka merkadu foun atu fa'an sira-nia modo.
• Hala’o kualkér serbisu seluk ne’ebé mak supervizór delega ba nia.

RESPONSABILIDADE SELUK:

• Partisipa ativamente iha prosesu avaliasaun funsionáriu (APPA) inklui avaliasaun anuál, avaliasaun tinan-klaran, no enkontru regulár ida-por-ida, hodi asegura prosesu APPA (inklui ninia dokumentu sira) integradu iha Planu Serbisu Anuál no ninia atividade sira;
• Envolve iha atividade preparasaun ba situasaun emerjénsia, ajuda iha serbisu emerjénsia bainhira situasaun ezije; 
• Promove ambiente serbisu ne’ebé seguru; habelar kultura seguransa no seguru ne’ebé di’ak, no kumpre tuir CARE nia politika, prosedimentu no orientasaun; no 
• Hatudu kompromisu ba igualidade jéneru, diversidade no protesaun ba labarik.
• Facilita hodi tradus tetum ba KEMAK wainhira iha enkontru ruma iha nivel grupu/aldeia sira.

1. Kriteria selesaun

Esperiênsia no Kualifikasaun:

• Minimu S1 ka diploma iha area dezemvolvimentu komunitariu, ka area agrikultura.
• Minimu iha esperiensia 3 ba leten serbisu ho organizasaun internasional ka organizasaun lokál ba asuntu dezemvolvimentu komunitariu.
• Língua lokál sira hanesan KEMAK no koalia tetum diak.
• Abilidade atu promove kolaborasaun ho parte interesada Governu nian.
• Prova entendimentu kona-ba metodolojia partisipativu ba mobilizasaun komunidade.
• Esperiénsia ne'ebé hatudu iha esperensia mobilizasaun komunidade.
• Iha ona esperensia hodi fornese formasaun no abilidade fasilitasaun ne'ebé di'ak
• Literasia komputadór báziku iha programa padraun Microsoft Office nian, hanesan Word no Excel.
• Abilidade atu hela no hela iha Atsabe, Munisipiu Ermera no halo viajen ba komunidade rurál sira.
• Abilidade atu servisu nu'udar parte husi ekipa.
• Proativu, iha inisiativa no abilidade lideransa atu harii ekipa ne'ebé di'ak liu.
• Hakarak atu koko serbisu foun no aprende.
• Abilidade atu hela iha Atsabe, Munisipiu Ermera no halo viajen ba komunidade rurál sira;
• Pozisaun ida-ne'e hanesan knaar ida iha ambiente servisu ne'ebé maka susar tebes, ho servisu saúde mínimu de'it iha kampu. Rekomenda de'it ba sira ne'ebé tau matan ba sira-nia saúde rasik no tau fiar ba sira-nia saúde;
• Iha esperiénsia serbisu ho Organizasaun Internasionál, no iha vontade atu aprende konaba CARE nia serbisu no polítika, igualdade jéneru, no empoderamentu feto.

1. Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba [email protected] ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kantidatu sira ne’ebé susesu deit ba faze seguinte mak sei hetan kontaktu ba intervista 

Titulu pozisaun

Ofisial Kampu

Lokalizasaun

Postu administrativu Atsabe, Munisipiu Ermera

Relata ba

Adjuntu Projetu (DPM) - HAFORSA 3

Grau

3 Step 1

Salariu

USD $442 kada fulan

Tipu pozisaun

Tinan 1

Data komesa/durasaun

1 Marsu, 2024

Loron ikus ba aplikasaun

15 Fevereiru, 2024

Prosesu aplikasaun

Haruka CV no karta aplikasaun liu husi email ba [email protected] KA submete iha departamentu Rekursu Umanu iha CARE nia eskritóriu iha Bairo Pite, Dili.