Monitorizasaun, Evaluasaun no Aprendijazen no Ofisial Merkadu

Ofisiál Aprendijazen Monitorizasaun no Evaluasaun (MEL) sei halo atividade monitorizasaun, koleksaun dadus, entrevista, data-entry no mos relatóriu ba programa. Ofisiál MEL mak sei responsabiliza atu implementa programa nia Planu Monitorizasaun no Avaliasaun bazeia ba planu serbisu ne’ebé define ona ba ninia área serbisu no nia mak sei responsabiliza atu komunika kualkér risku no dezafiu sira ne’ebé afeta koleksaun no kualidade dadus ba ninia supervizór. Ofisiál MEL mós sei ajuda implementa programa nia atividade peskiza no ajuda fasilita sesaun treinamentu hodi fahe rezultadu peskiza ba iha parseiru sira iha nivel munisipiu, postu, inklui ofisiál governu, sosiedade sivíl, no komunidade sira. 

Nia mós responsavel ba planeamentu no implementasaun atividade sira ne'ebé relasiona ho merkadoria iha kooperasaun ho Ofisial Senior Projetu (SPO).

Pozisaun ne’e presiza ema ida ne’ebé hatene serbisu ho profisionalizmu, iha abilidade atu fó atensaun detalhadu, bele serbisu mesak, no iha kapasidade atu halo entrevista no komunikasaun. 

Pozisaun ida ne’e sei bazeiadu iha munisipiu Ermera, postu administrativu Atsabe, no sei halo viajen regulár ba komunidade sira iha aldeia hodi halo atividade monitorizasaun. Ofisiál MEL mós sei ajuda kolega sira seluk atu lidera treinamentu no fasilita reuniaun sira.

RESPONSABILIDADE PRINSIPÁL:

Monitorizasaun, Avaliasaun no Aprendizajen

Implementa projetu nia planu monitorizasaun iha terrenu tuir orientasaun husi Adjuntu Projetu no Jerente Projetu. Knaar no responsabilidade mak inklui: 

• Halo vizita regulár ba komunidade sira iha área projetu hodi hasoru grupu to’os-na’in, no membru komunidade sira atu rekolla no verifika dadus;
• Halo verifikasaun ba benefisiáriu projetu atu bele asegura kontrolu no relatoriu ne’ebé akuradu 
• Dokumenta informasaun husi ninia vizita komunidade, no fahe ba funsionariu projetu sira seluk atu nune’e sira mós bele iha koñesimentu kle’an kona-ba projetu nia atividade sira iha terrenu, no mós atu identifika risku ba dadus nia kualidade (inklui dadus ne’ebé hatudu dezigualidade jéneru, falta dokumentu, falta dadus, dadus ne’ebé kualidade ladi’ak, problema ho arkivu iha komunidade, mudansa iha membru grupo toos na’in sira ka lider komunitáriu ruma, nst.);
• Fó apoiu ba estudu kualitativu no kuantitativu iha atividade avaliasaun projetu, fornese apoiu lojístiku ba atividade avaliasaun finál no mós estudu espesiál sira seluk; 
• Ajuda projetu hodi aprende no halo adaptasaun bazeia ba dadus ne’ebé kolekta husi terrenu atu bele hadi’ak liután implementasaun projetu no ninia sustentabilidade; 
• Asegura atu kolekta dadus no hatama (entry) ho akuradu tuir protokolu no matadalan ne’ebé iha no ho konsistén; 
• Dezenvolve no mantein relasaun serbisu ne’ebé di’ak ho grupo toos na’in sira no lider komunitáriu seluk atu bele kuda konfiansa no kolaborasaun ho projetu; 
• Partisipa iha enkontru regular Aprendijazen, Monitorizasaun no Evaluasaun nian;
• Ajuda iha atividade projetu ne’ebé mak envolve formasaun Aprendijazen, Monitorizasaun no Evaluasaun ka aprezentasaun;  

Dezenvolvimentu merkadu:

• Servisu besik ho Ofisial Senior Projetu atu dezeña, implementa no monitoriza treinamentu nivel kampu kona-ba atividade marketing.
• Servisu hamutuk ho adjuntu Projetu, Ofisial Senior Projetu (SPO) no kolega sira seluk atu koordena parseiru sira inklui empreza privadu sira, grupu Produtor no Komersiu no VSLA.
• Fornese apoiu tékniku ba formasaun grupu fa'an modo sira iha VSLA no grupu produtor sira-nian no promove partisipasaun feto sira-nian iha lideransa iha kooperasaun ho Ofisial Senior Projetu.
• Koordena dezenvolvimentu kapasidade iha dezenvolvimentu organizasional, agronegosiu, kadeia valór, merkadoria no hasoru obstákulu jéneru iha kooperasaun ho Orasmentu Jeral Estadu (OJE).
• Apoia grupu fa'an modo hodi halo peskiza merkadu no ajuda sira dezenvolve estratéjia merkadoria iha kooperasaun ho Ofisial Senior Projetu.
• Haforsa ligasaun merkadu liu husi kadeia valór no análize merkadu no revizaun ba organizasaun produtor no merkadu sira iha kolaborasaun ho SPO no Ofisial Projetu.

RESPONSABILIDADE SELUK:

• Partisipa ativamente iha prosesu avaliasaun funsionáriu (APPA) inklui avaliasaun anuál, avaliasaun tinan-klaran, no enkontru regulár ida-por-ida, hodi asegura prosesu APPA (inklui ninia dokumentu sira) integradu iha Planu Serbisu Anuál no ninia atividade sira;
• Envolve iha atividade preparasaun ba situasaun emerjénsia, ajuda iha serbisu emerjénsia bainhira situasaun ezije; 
• Promove ambiente serbisu ne’ebé seguru; habelar kultura seguransa no seguru ne’ebé di’ak, no kumpre tuir CARE nia politika, prosedimentu no orientasaun; no 
• Hatudu kompromisu ba igualidade jéneru, diversidade no protesaun ba labarik.
• Hala’o kualkér serbisu seluk ne’ebé mak supervizór delega ba nia.

1. Kriteria selesaun

Esperiênsia no Kualifikasaun:

• Kompleta ona baxarelatu iha área ne’ebé relevante (preferentemente Ekonomia Agrikultura, Estudu Dezenvolvimentu, Estudu Negosiu, Ekonomia, Siensia Sosial) ou Esperiensia Minimu tinan 3 iha area refere;
• Tenke iha esperiénsia halo koleksaun dadus mínimu tinan tolu ho formatu papél no mós elektróniku (tablet); 
• Prefere liu kandidatu ne’ebe iha esperiénsia halo entrevista, fasilita grupu diskusaun;
• Prefere liu kandidatu ne’ebé iha esperiénsia kona-ba área agrikultór no iha koñesimentu kona-ba situasuan no kondisaun komunidade rurál sira iha Timor-Leste; 
• Prefere liu kandidatu ne’ebé iha esperiénsia ona serbisu iha Munisipiu ida ka liu, espesífikamente iha Ermera;
• Prefere liu kandidatu ne’ebé hatene lori motor no iha karta kondusaun ne’ebé válidu;
• Hatene hakerek no ko’alia lian Tetum no Kemak, hatene lian Inglés mós di’ak liután (favór hatudu lian ne'ebé mak ita bele ko'alia iha ita-nia CV);
• Tenke iha abilidade numerasia ne’ebé di’ak, no tenke hatene ka iha esperiénsia uza aplikasaun Microsoft Excel no/ka Google Sheets;
• Tenke iha abilidade di’ak kona-ba jestaun tempu, inklui abilidade atu planeia no jere prioridade serbisu oioin hodi asegura bele atinje serbisu tuir ninia tempu;
• Iha abilidade atu rezolve problema no iha abilidade komunikasaun ne’ebé di’ak;
• Motivadu no foti inisiativa atu hadi'a kualidade servisu;
• Onestu, hatene mantein konfidensialidade, no konfiavel;
• Proativu, iha inisiativa no abilidade lideransa atu harii ekipa ne'ebé di'ak liu.
• Hakarak atu koko serbisu foun no aprende.
• Abilidade atu hela iha Atsabe, Munisipiu Ermera no halo viajen ba komunidade rurál sira;
• Pozisaun ida-ne'e hanesan knaar ida iha ambiente servisu ne'ebé maka susar tebes, ho servisu saúde mínimu de'it iha kampu. Rekomenda de'it ba sira ne'ebé tau matan ba sira-nia saúde rasik no tau fiar ba sira-nia saúde;
• Iha esperiénsia serbisu ho Organizasaun Internasionál, no iha vontade atu aprende konaba CARE nia serbisu no polítika, igualdade jéneru, no empoderamentu feto.

1. Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba [email protected] ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kantidatu sira ne’ebé susesu deit ba faze seguinte mak sei hetan kontaktu ba intervista 

Titulu pozisaun Monitorizasaun, Evaluasaun no Aprendijazen no Ofisial Merkadu

Lokalizasaun Postu administrativu Atsabe, Munisipiu Ermera

Relata ba AdjuntuProjetu (DPM) - HAFORSA 3

Grau 4 step 1

Salariu USD $619 kada fulan

Tipu pozisaun Tinan 1

Data komesa/durasaun 1 Marsu, 2024

Loron ikus ba aplikasaun 15 Fevereiru, 2024

Prosesu aplikasaun: Haruka CV no karta aplikasaun liu husi email ba [email protected] KA submete iha departamentu Rekursu Umanu iha CARE nia eskritóriu iha Bairo Pite, Dili.