Informasaun Jeral
Pesoal Limpeza iha responsabilidade prinsipál atu asegura limpeza, saneamentu no arruma área eskritóriu nian kada loron atu nunee utilizador sira bainhira uza, uzu ho seguru no konfortavel husi funsionáriu sira hotu-hotu.
Knaar no responsabilidade
- Hamoos no asegura ekipamentu sira iha kondisaun arrumadu no moos liu-liu iha área eskritóriu nian, sala enkontru, sintina, janela, mobiliáriu no ekipamentu sira seluk
- Hasai lixu fatin no jere lixu ho di'ak
- Verifika mákina impresora no fotokópia sira beibeik no enxe fali surat-tahan sira bainhira presiza
- Koordena ho Ofisiál Admin sira no apoia reabastesimentu bee-hemu, xá, kafé no sasán eskritóriu sira seluk
- Hamoos no halo manutensaun ba sasán eskritóriu nian no sasán sira hanesan kopu, kopu, Xikra, bikan, makina halo kafé, nst.
- Apoiu distribuisaun dokumentu sira, aprovizionamentu sasán ki'ik sira hanesan sasán eskritóriu nian no muda eskritóriu bainhira presija
- Fó apoiu nesesáriu ba iha asuntu lojístiku sira bainhira iha formasaun, Kolokiu/workshop, enkontru ka atividade sira ne'ebé presija ita nia tulun no suporta
Kualifikasaun
- Iha nivél Edukasaun formal minimu Eskola Pre-Sekundaria no Sekundaria ou iha area vocasional seluk nebee relasiona ho pozisaun refere
- Iha Esperensia Servisu hanesan Janitor ou Hamoos nain tinan 1 iha Instituisaun ou Kompaña ruma
- Sidadaun Timor-Leste, ho idade minimu 20 anos no maksimu tinan 45 anos
- Iha saúde no mental ne'ebe diak
- La komete ka involve iha krime ruma
Oinsá atu aplika
Hatama dokumentus tuir mai ba Administradora Divizaun Fundu Global-Ministériu da Saúde iha Lahane Occidental:
- Karta Aplikasaun direje ba Administradora Divizaun Fundu Global-MdS
- Curriculum Vitae (CV) ho referénsia tolu (3) Atualizado
- Fotokópia Kartaun eleitoral no Billete Identidade
- Fotokópia Sertidaun Moris RDTL
- Fotokópia diploma habitasaun literaria ikus no legaliza
- Sertifikadu husi Kursu no treinamentu relevante
- Photo 3x4 tahan 1
- Kopia Atesatadu mediku fulan 3-6 ikus
Ba informasaun liu tan, bele kontaktu: 3313672
