Market System Development (MSD) Program Officer (1) no Livelihood Program Officer (1)

Rezumu Serbisu

HAMNASA buka hela ema Timor-oan ba pozisaun Market Systems Development Officer ida, no Livelihoods Officer ida, hodi suporta USAID nia Atividade Hakotu Barera, Harii Moris Di’ak: Resposta Integradu Violensia Bazeia ba Jenéru (VBJ) iha Timor Leste (ho naran badak “Hamoris” ne’ebé implementa husiHAMNASA. Servisu foka liu ba hapara violénsia bazeia ba jéneru iha Timor-Leste. Pozisaun nee baze iha Dili ho viajen ba munisípiu. Atividade Hamoris halo serbisu iha komunidade no area klínikal ba munisípiu haat hanesan Ermera, Liquica, Covalima no Bonbonaro hodi eleva sensibilizasaun no koñesimentu entre membru komunidade sira no sintividade, abilidade no konfidénte husi pesoál saúde sira iha suporta pasiente ho kazu violénsia bazeia ba jéneru.

Hamoris iha komponent 4:

1. Suporta komunidade: halo planeamentu ho komunidade no sei fornese sesaun aprende hamutuk iha nivel suku no mos iha eskola sira konaba VBJ, jeneru, no norma sosial.
2. Empoderamentu ekonomia ba feto: edukasaun bisnis ba vitima VBJ no feto vulneravel sira no mos grant (orsamentu) kiik ne’ebé sei fornese fonte rendimentu ba feto sira. Iha tan atividade ne’ebé foka ba oportunidade atu hasae sira nia rendimentu ne’ebé suporta sira nia abilidade kontra mudansa klimatika. Treinamentu konaba bisnis sei suporta nia hetan skil, rekursu, no oportunidade atu kompete iha merkadoria no mos iha independensia atu kontrola sira nia rendimentu rasik.
3. Suporta ba mane sira: fornese treinamentu ba mane sira atu sira mos bele suporta feto sira no halo advokasia ba aproximasaun igualdade jeneru no suporta aktividade empoderamentu feto.
4. Treinamentu VBJ ba pesoál saúde: pesoál saúde sei hetan treinamentu oinsá bele iha abilidade di’ak atu suporta kliente ne’ebé hetan VBJ. No mos sei suporta supervizaun suportivu no asesmentu ba prontidaun fasilidade saúde  atu identifika parte ne’ebé mak presiza atu hadia di’ak liu tan iha nivel fasilidade saúde.

Program Officer rua nee sei suporta ba ekipa Hamoris no halo implementasaun ba atividade liu-liu ba Komponente 2. Funsaun demanda ida ne’e adekuadu liu ba ema ne’ebé profisionál dinámiku no motivadu, ne’ebé iha esperiénsia pelumenus tinan tolu ba programa ka atividade suporta merkadu no rendimentu ba ema iha Timor-Leste. Pozisaun rua nee sei hetan guia husi Asesor/a ba Livelihoods no MSD.

Responsabilidade Sira     

• Implementa aktividade tuir planu serbisu anuál sira ba atividade Hamoris liu-liu ba Komponente 2
• Suporta asesmentu Value Chain atu identifika value chain ka produtu atu promove ho kada grupu empoderamento feto
• Suporta mapamentu ba grupu rai no impresta osan no mos instituisaun mikrofinansas ne’ebé servi suku implementasaun Hamoris
• Suporta forma grupu empoderamento feto ekonomia no vizita regular ba sira
• Halo koordenasaun entre grupu feto no grupu rai no empresta osan, koperativa seluk, no seitor privadu ne’ebé relevante
• Halo input ba matéria treinamentu agrobisnis, produsaun (agricultura no pecuária), no marketing
• Fasilita treinamentu konaba agro-bisnis, produsaun, marketing, tuir value chain ka produtu (ne’ebé identifika husi asesmentu)  
• Promove lideransa feto

Koordenasaun  

• Koordena ho instituisaun governu relevante (hanesan Instituto de Apoio ao Dezenvolvemenyu Empresario, Sekreatio Estado Igualidade, Ministerio Tourismo Komersiu Industria, Ministerio Agrikultura, Peskas, iha nivel nasional to suku.
• Kordena ho parseiru relevante sira ne’ebé mak serbisu iha area hanesan durante implementasaun

Relatóriu

• Halo kontribusaun ba  relatóriu programa ba doadór no stakeholder sira

Responsabilidade seluk-seluk

• Promove ambiente konfortabel no seguru, hasa’e kultura konsientizasaun seguransa no protesaun no halo tuir polítika, prosedimentu no diretivu HAMNASA nian
• Defende no promove HAMNASA nia komprimisu ba Protesaun Labarik, Trafiku Umanu, Asédiu Sexual, Fraude no kódigu konduta sira seluk ne’ebé estabelese on iha HAMNASA

Kualifikasaun Sira

Ne’ebe rekere:

• Esperiénsia minimu tinan tolu ba programa MSD/Livelihood ka agrikultura
• Esperiénsia mobiliza grupu feto ba empoderamento ekonomia no grupu to’os-nain
• Esperiénisa halo koordenasaun no servisu hamutuku no seitor privadu
• Esperiénsia servisu hamutuk ho institusaun hanesan IDADE no MALF, liu-liu iha nível munisipiu no suku (estensionista, tekniku veterinariu)
• Abilidade interpesoal, komunikasaun no aprezentasaun
• Komitmentu ba igualdade jéneru no empoderamentu feto
• Abilidade hakerek relatóriu ho di’ak iha lian Tetun  
• Prontu halo viajen sai husi Dili ba munisipiu regularmente
• Profisiente iha programa Microsoft Office sira no utilizasaun internet
• Abilidade atu kumpriende, kumpri no defende HAMNASA nia polítika no padraun prosedimentu relevante hotu-hotu

Termu no Kondisaun Sira

Pozisaun loke ba Timor-oan de’it

Hetan vasina COVID-19 kompletu hanesan rekerimentu ida ba pozisaun ne’e

Hatama CV no karta aplikasaun hatan ba rekerementu ba pozisaun diriji ba Rekursu Umanu HAMNASA, [email protected], até fin do dia 23 Fevreiru 2024