Parteira ba Regional Outreach Covalima

MSI Timor-Leste (MSITL), nudar membru ida husi MSI Global ne’ebé nu’udár organizasaun non-profit, espesializadu hodi suporta no hato’o atendimentu Saúde Seksuál Reprodutiva (SSR) no planeamentu familiár (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternál iha Timor-Leste. Ami nia matadalan prinsipál maka atu suporta MdS hodi hato’o atendimentu saúde reprodutiva oi-oin ho kualidade aás; asegura kualidade klinikál ne’ebé diak liu; no suporta hato’o atendimentu ne’ebé foka ba kliente no promove eskolha/hili.

MSITL agora daudaun buka hela ema Timor oan tantu ekipa internál no externál orijin husi Covalima, ba pozisaun nudar Parteira iha Rejiaun Covalima.

Parteira Regional Outreach sei halo viajem ba fasilidade saude sira ne’ebé iha munisipiu Covalima no iha posibilidade viajen ba munisipiu seluk ne’ebé la tama iha munisipiu Covalima hodi fornese planeamenu familiár ne’ebé inkluzivu, ho kualidade inklui fornese counsellu. Parteira Regional Outreach sei foka mos ba fornese atendimentu ba planeamentu familiár no mos Saúde Seksuál no Reprodutiva iha areas rural liu husi kordenasaun ho Ministériu Saude iha nivel Nasionál no Munisipál. Relata ba Kórdenador Rejiaun/ Kordenador Projetu, Parteira Regional Outreach sei presiza atu submete informasaun atendimentu nian liu husi CLIC, no submete dokumentu seluk ne’ebé mak MSITL presiza hanesan stock report, Incident Management tuir nia tempu (timely manner).

Xave Rekerimentus sira ba Pozisaun:

Kualifikasaun:

• Nivel edukasaun diploma ka lisensiadu  parteira
• Iha esperiénsia servisu mínimu tinan tolu nu’udár parteira
• Iha kartaun profesional husi Ministériu Saúde ne’ebé válidu
• Tenkei ema Covalima no hela iha Covalima
• Tenke hatene koalia língua matérna Covalima nian hanesan Bunak ka Tetun Terik
• Prefere iha sertifikadu kompeténsia planeamentu familiár
• Prefere Iha karta kondusaun válidu ba motor nian 
• Iha esperiénsia atu jere relasaun servisu ho perseiru sira, ekipa seluk no parseiru governu.
• Preferé Iha esperiénsia servisu iha area Covalima (Preferensia)
• Iha Komitmentu servisu ho organizasaun, Minimu Tinan 2
• Iha esperiensia servisu ho Parseiru Rede Referal sira hodi Responde ba iha Violensia Seksual Bajeia ba Jeneru, exp: PRADET, Uma Mahon salele, Fatin Hakmatek, ALFeLa, nst…
• Bele halo servisu mesak sem supervisaun husi lina jerente.
• Respeita Diversidade, Igualidade no Inkluzaun.

Abilidade:

• Abilidade atu fornese atendementu kontraseptivu modernu hanesan inklui implante, IUD no metodu tempu badak sira (hanesan sona no hemu pil).
• Suporta Demand Generator hodi fahe Informasaun ba iha Komunidade konaba SRH no Planeamentu Familiar.
• Iha abilidade atu bele komunika no Koordena ho Demand Generator hodi bele Kria Demanda ba iha Kliente sira no planu apontamentu iha site neébe termina ona.
• Iha abilidade atu komunika no diskuti tópiku sensitivu ho kliente sira ho maneira ida ne'ebé sensivel no konfidensiál.
• Abilidade atu servisu ho supervizaun ne’ebé mínimu
• Abilidade hodi servisu independente.
• Abilidade atu prioritiza no jere servisu ne’ebé barak.
• Abilidade iha jere servisu hodi asegura servisu remata tuir tempu.
• Abilidade atu uza laptop no domina operasaun hanesan Ms. Word, Ms. Excel no Outlook
• Fleksibilidade  no suporta malu iha ekipa wainhira presija.
• Abilidade atu halo atividade fizika kamaan hanesan prepara ekipamentu ba atendementu, hamos no fase ekipamentu médiku sira wainhira uza hotu ona.
• Prontu atu hala’o viajem no toba iha suku sira hotu ne’ebé kobre husi rejiaun ne’ebé ita servisu ba no area iha Munisípiu seluk wainhira presiza
• Nivel 1 (85% tuir versaun MSITL) ba Kompeténsia Klinikál nian iha nivel 1 ba area Planeamentu Familiár.
• Fornese atendimentu anemia ho kualidade inklui fó konsellu (preferénsia)
• Iha kuñesimentu báziku iha CLIC (preferénsia)
• Iha abilidade atu banati tuir valores MSTL nian
• Kapasidade iha coaching no mentoring.
• Abilidade jestaun relasaun ho parseiru, ekipa seluk no parseiru governu
• Prefere iha Kuñesimentu ba incident management /jestaun insidente-
• Prefere iha Kuñesimentu iha area clinical governance -
• Abilidade dezonvolve relatóriu (semanal, mensal, stock / estoque, nofinansas )
• Abilidade atu komunika ho lingua lokál
• Abilidade atu fó feedback.
• Iha abilidade atu bele fokus ba iha Orientasaun Sevisu hodi bele atinzi Espetasaun husi Organizasaun.
• Iha abilidade atu fornese atendementu ba iha ema hotu ho hanesan, la hare ba iha Jeneru, sexu, orientsaun sexual, Defisiensia no Respeita diversidade.

Atitude:

• Iha respeitu no kumprimisu ba direitu individuál nian hodi kontrola sira nia fertilidade rasik.
• Hatudu kumprimisupesoál hodi kontinua dezenvolvimentu profesionál.
• Foku ba kliente nu’udár sentru.
• Respeita Diversidade no Inklusivu
• Rejilente no bele servisu iha ekipa hodi ultrapasa desafio sira.
• Inovativu.
• Akuntavel ba iha servisu neébe oferese husi Organizasaun
• Bele adapta a’an no fleksiível.
• Bele servisu iha situasaun ne’ebé ho presaun.
• Komunikasaun ne’ebé efetivu.
• Bele Simu ekipa seluk nia Ideia ka feedback ho maneira neébe positivu.

Ba kandidatu sira ne’ebé interese ba vaga refere, favor bele submete karta aplikasaun, CV atuál inklui mos kópia Kartaun Profesionál ne’ebé válidu, referénsia profesionél 3 no mos kópia sertifikadu edukasaun no sertifikadu treinamentu ne’ebé relevante.

Favor manda ita boot nia aplikasaun ba Ekipa Rekursus Umanu MSITL liu husi E-mail ba [email protected], ho subject line hakerek Naran Primeiru Naran Ikus_Pozisaun Ne’ebé aplika (Ex:Eliza Araujo_Parteira Regionál Outreach Covalima).

MSITL iha polítika ba Salvaguarda (Protesaun Labarik no Adultu ável) no Prevensaun ba explorasaun seksuál, abuzu no prejuizu (harassment). Kandidatu sira hotu ne’ebé mak susesu sei presija atu asina deklarasaun no mos halo background check ba asuntu Salvaguarda no Prevensaun ba explorasaun seksuál, abuzu no prejuizu (harassment) nian, no asina dokumentus kódigu konduta MSITL nian.

MSITL fornese oportunidade servisu ne’ebé hanesan ba ema hotu.

Loron ikus atu submete aplikasaun mak 19 Abril 2024, oras 5.30 Lorokraik. MSITL sei kontaktu deit kandidatu sira ne’ebé tama iha lista pre-selesionadu / shortlist.