Hamutuk Nasaun Saudável (HAMNASA) hanesan organizasaun naun-governamental nasionál ne'ebé servisu hamutuk ho Ministériu Saúde (MdS) Timor-Leste hodi implementa programa sira ne'ebé fó apoiu no hametin servisu saúde iha Timor-Leste. HAMNASA nia programa no objetivu mak atu hametin servisu saúde, hamenus mortalidade no morbilidade, no kontribui ba objetivu servisu saúde nasionál. HAMNASA apoia atividade saúde iha munisípiu sira, inklui RAEOA ho Atauro, no agora sei loke rekrutamentu ba pozisaun Tékniku Radiolojia iha Baze Atauro.
Tékniku Radiolojia sei responsabiliza ba operasaun loroloron husi servisu X-ray/mobile digital, inklui prepara sala no ekipamentu, verifika identidade pasiente, esplika prosedura ba pasiente, pozisiona pasiente ho seguransa, no halo imajen radiolojia ho kualidade di'ak tuir instrusaun klinika. Pozisaun ne'e mós sei garantia seguransa radiasaun ba pasiente no pesoál saúde, monitoriza supply radiolojia, asegura manutensaun ekipamentu, informa kedan ba NTP/DGF bainhira ekipamentu aat ka la funsiona, no mantén rejistu akuradu kona-ba prosedura X-ray ne'ebé halo ona. Tékniku Radiolojia sei servisu hamutuk ho Kordenador Projetu TB no NGO SABEH, espesialista radiolojia, MdS/NTP, no ekipa saúde sira hodi suporta detesaun no diagnóstiku tuberkuloze liuhusi servisu screening radiolojia ne'ebé seguru, efetivu no ho kualidade.
Relata ba: Kordenador Projetu TB
Fatin: Munisipiu Atauro
Responsabilidade
- Monitoriza supply radiolojia no garantia katak mákina X-ray monta iha nível radiasaun ne'ebé mak loos. Asegura mós katak sala X-ray/mobile digital moos no organizada iha kualkér tempu.
- Verifika identidade pasiente antes ita halo prosedura X-ray.
- Utiliza ekipamentu X-ray tuir Intelijensia artifisial (AI), iha ne'ebé deit integradu, hodi foti foto radiolojia ruin, tissu, no orgaun pasiente tuir instrusaun ne'ebé hakerek ona.
- Esplika prosedura X-ray ba pasiente no resposta sira nia pergunta.
- Tau pasiente iha pozisaun ne'ebé mak los inkluindu hiit no muda pasiente ho mobilidade ne'ebé limitadu.
- Limita pasiente husi radiasaun ho utiliza ekipamentu protesaun pessoal ba pasiente karik presiza duni.
- Garantia katak X-ray ne'ebé sei foti mak ho kualidade atu prevene prosedura repetisaun.
- Servisu hamutuk espesialista radiolojia karik presiza, atu determina se pasiente refere presiza teste tan.
- Garantia katak ekipamentu X-ray hetan manutensaun regularmente no funsiona ho diak.
- Informa kedan ba NTP/DGF kona-bá ekipamentu X-ray ne'ebé mak aat ka la funsiona.
- Mantén notas akuradu husi prosedura X-ray ne'ebé mak halo ona.
- Prepara relatoriu no mos submete ba koordenador projeitu Tuberkuloze nian iha kada loron, semana, no mos fulan.
- Serbisu hamutuk ho SABEH no mos ekipa SSM Atauro, Sentru Saude Atauru no postu Saude sira iha deteksaun tuberkuloze nian.
Kualifikasaun Edukasaun
Lisensiatura iha area Saúde: nu'udar tekniku radiolijia
Esperiênsia no Kritéria Essensial Seluk
- Esperiensia serbisu iha área saúde mínimu tinan rua (2) no esensiál liu iha esperiénsia servisu iha programa TB, orijinalidade husi Atauru ne'e vantajen ida.
- Esperiensia servisu ho komunidade, lider lokál hodi fó kapasitasaun, sosializasaun mínimu tinan rua (2).
- Iha esperiénsia servisu ho EHD no komprende aproximasaun servisu ho ema inkluzivu sira seluk.
- Abilidade komprovadu ba dezenvolve no mantein relasaun ho autoridade lokál no ofisiál sira seluk.
- Abilidade komprovadu ba organizasaun no koordenasaun inkontru komunitária.
- Exelente iha abilidade komunikasaun, koordenasaun no halo ligasaun, ho pasiente, família pasiente, ho pesoál saúde sira nomós ho parseiru ka parte relevante seluk.
- Iha koñesimentu di'ak kona-bá tuberkuloze iha Timor-Leste esensiál tebes.
- Esperiénsia servisu besik liu ho Ministériu Saúde, vantajen forte ida.
- Esperiénsia servisu iha ONG ka organizasaun baze komunidade, sai vantajen ida.
Pozisaun ne'e loke ba Timor oan hotu ne'ebé apár ho rekezitus temi iha leten (feto, mane, EHD, LGBTQI+).
Oinsá Atu Aplika
Hatama CV no karta aplikasaun diriji tuir kritéria ba [email protected]
Data ikus (Deadline): 31 de Jullu de 2026, oras 17.30pm
