Kona-ba HAMNASA
Hamutuk Nasaun Saudável (HAMNASA) hanesan organizasaun naun-governamental nasionál ne'ebé servisu hamutuk ho Ministériu Saúde (MdS) Timor-Leste hodi implementa programa sira ne'ebé fó apoiu no hametin servisu saúde iha Timor Leste. HAMNASA nia programa no objetivu mak atu hametin servisu saúde no hamenus mortalidade no morbilidade ba inan sira no sira-nia oan iha Timor-Leste, hodi kontribui ba objetivu servisu saúde nasionál.
Kona-ba Pozisaun
HAMNASA loke rekrutamentu ba pozisaun Pontu Fokál TB ne'ebé sei apoiu servisu MdS hasoru moras TB iha Sentru Saúde Komunitáriu (CHC) 1 iha Atauru no mos nia Postu Saude sira. Servisu prinsipál mak atu hasa'e númeru deteksaun kazu tuberkuloze iha munisípiu Atauru. Pontu Fokál sei ajuda identifika pasiente sira ne'ebé risku ka vulneravel ba tuberkuloze, no serbisu hamutuk ho ekipa SABEH (Saude ba Ema Hotu) no mos Fasilidade Saúde sira atu bele hetan triajen ka screen ba moras tuberkuloze.
Relata ba: Kordenadór Projetu & Jestór Programa TB
Fatin: Munisipiu Atauro
Responsabilidade
- Serbisu hanesan pontu fokál ba pasiente sira iha CHC Atauru no nia postu Saude sira, halo ligasaun ho pasiente no pesoál saúde sira atu identifika pasiente sira ne'ebé vulneravel ba tuberkuloze no refere sira ba karreta Mobile van
- Ajuda identifika pasiente sira ne'ebé risku ka vulneravel ba tuberkuloze, no refere sira ba fasilidade saude sira atu bele hetan ezaminasaun kliniku ne'ebe nesesariu
- Hamutuk ho autoridade lokál iha kada suku halo mapamentu ba fatin hodi identifika fatin balun iha suku no aldeia hodi karreta mobile van bele para, identifika ema ho defisiénsia (EHD), ferik ka katuas ka ema inklusivu sira seluk ne'ebé iha difikuldade atu asesu mai karreta mobile-van
- Kordena no informa autoridade lokál inklui organiza oráriu sosializasaun no fatin ba portable Xray atu vizita halo iha sentru saúde, iha komunidade iha suku no aldeia
- Halo sosializasaun regularmente no fornese matéria edukasaun no promosaun saúde ba pasiente no nia família nomos komunidade sira kona-ba sintoma TBC, prevensaun, no sinál perigu iha nivel suku
- Fasilita sesaun partisipatoriu no imperativu kona-ba TB iha fasilidade saúde, iha komunidade no mós iha nivel uma kain
- Halo promosaun edukasaun saúde hamutuk ho pesoál saúde sira seluk ba Inan Isin rua no Inan ho oan tinan 5 mai karik iha sentru saúde fulan-fulan
- Halo triajen ba malnutrisaun entre inan isin rua, inan, no labarik tinan lima mai kraik iha SSK ne'ebé destaka ba
- Fó apoiu halo vizita ba uma hodi apoia Terápia Preventiva Tuberkuloze (TPT) ba pasiente TB no membru uma-kain sira ne'ebé elejível
- Halo contact tracing to nivel uma-kain
- Halo follow up ho pasiente ne'ebé 'drop out' ka la tuir tratamentu ona to sira nia uma
- Fo apoiu tékniku no gia servisu ba voluntáriu TB
- Kolleta sputum husi komunidade no lori mai Fasilidade Saude atu halo teste
- Servisu ho OPD iha CHC hodi data entry/hatama dadus kona-bá referál sira dadus pasiente kurativu, update no halo backup ba dadus HAMNASA nian
- Fornese relatóriu atividade sira tantu relatóriu finanseiru, relatóriu narativu no istória susesu ba Kordenador Programa
- Partisipa iha enkontru internál no esterna sira wainhira presiza
- Maintein relasaun servisu nebe'e mak pozitivu hamutuk iha ekipa servisu sira seluk liuliu pesoál saúde iha sentru saúde Atauru no servisu saúde Munisipiu Atauru
Kualifikasaun Edukasaun
Lisensiatura iha area Saúde: enfermeiro/a, parteira, saude públiku ka médiku.
Esperiênsia no Kritéria Essensial
- Esperiensia serbisu iha área saúde mínimu tinan rua (2) no esensiál liu iha esperiénsia servisu iha programa TB preferentemente husi Municipiu Atauru
- Esperiensia servisu ho komunidade, lider lokál hodi fó kapasitasaun, sosializasaun mínimu tinan rua (2)
- Iha esperiénsia servisu ho EHD no komprende aproximasaun servisu ho ema inkluzivu sira seluk
- Esperiensia fasilita sesaun ho maneira interativu no partisipatóriu
- Abilidade komprovadu ba dezenvolve no mantein relasaun ho autoridade lokál no ofisiál sira seluk
- Abilidade komprovadu ba organizasaun no koordenasaun inkontru komunitária
- Exelente iha abilidade komunikasaun, koordenasaun no halo ligasaun, ho pasiente, família pasiente, ho pesoál saúde sira nomós ho parseiru ka parte relevante seluk
- Iha koñesimentu di'ak kona-bá tuberkuloze iha Timor-Leste esensiál tebes
- Esperiénsia servisu besik liu ho Ministériu Saúde, vantajen forte ida
- Esperiénsia servisu iha ONG ka organizasaun baze komunidade, sai vantajen ida
Pozisaun ne'e loke ba Timor oan hotu ne'ebé apár ho rekezitus temi iha leten (feto, mane, EHD, LGBTQI+).
Oinsá Atu Aplika
Hatama CV no karta aplikasaun diriji tuir kritéria ba [email protected]
Data ikus: 31 de Jullu de 2026, oras 17.30pm
