Kona-ba HAMNASA
Hamutuk Nasaun Saudável (HAMNASA) hanesan organizasaun naun-govermental nasionál ne'ebé servisu hamutuk Ministériu Saúde Timor-Leste hodi implementa programa sira ne'ebé fó apoiu no hametin servisu saúde nian. HAMNASA nia programa no objetivu mak atu hadi'a saúde no hamenus mortalidade no morbilidade ba inan sira no sira-nia oan iha Timor-Leste, hodi kontribui ba objetivu saúde nasionál. HAMNASA apoia atividade oin-oin iha munisípiu hotu-hotu, inklui RAEOA ho Atauro.
Responsabilidade
- Hala'o atividade rekursu umanu HAMNASA nian, inklui halo'o dokumentasaun no pagamentu ba seguransa sosiál, prepara timesheet kada fulan atu submete ba Finansas, prepara HR database no mantén HR files hanesan personnel files ho organizadu
- Partisipa iha prosesu rekrutamentu bainhira presiza, hanesan prepara vaga, simu aplikasaun, prepara lista naruk (longlist) no halo selesaun lista badak (shortlist) hasoru TOR/JD/SoW tuir vaga refere, prepara oráriu entrevista no partisipa iha entrevista, husu no revista referénsia no prepara relatóriu rekrutamentu, nomós prepara esbosu kontratu
- Hatoman, hasae kunhesementu no asegura HAMNASA nia polítika no prosedúr rekursu umanu tuir duni HAMNASA nia presiza nomós tuir Lei Traballu Timor-Leste no rekerimentu husi doadór sira
- Halo orientasaun ba funsionáriu foun sira, halo formasaun regularmente ba funsionáriu kona-ba refreska polítika organizasaun nian, no koordena prosesa terminasaun ka para servisu ba empregadór ne'ebé para ka termina nia kontratu
- Monitorizasaun no dokumenta prosesu avaliasaun dezempeñu ba empregadór hotu-hotu
- Koordena formasaun ba funsionáriu sira, inklui formasaun formal ne'ebé iha, no mós buka oportunidade ba formasaun informal ho meius kreativu
- Dezenvolve no hadia formatu no template sira liga ho rekursu umanu
- Asegura katak HAMNASA tuir duni komitmentu ba inkluzaun sosiál no igualidade jéneru, liu husi HAMNASA nia programa sira
- Servisu besik hamutuk ho parte Finansas atu koordena ho di'ak parte finansas no rekursu umanu nian hanesan liga ho kontratu, payroll, no benefísiu sira
- Sei fó ekipa ezekutivu ho inisiativa ne'ebé liga ho bem-estar seguransa no saúde funsionáriu sira, no mos oportunidade ba dezenvolvimentu ekipa
- Asegura rejistu ne'ebé loos no loloos ba informasaun funsionáriu nian iha formatu eletróniku no dijitál
- Sei fó apoiu no servisu balu ne'ebé liga ho administrasaun no koordenasaun Konsellu HAMNASA
- Desempenha serbisu sira seluk ne'ebé superior sira indika no orienta
Kualifikasaun Edukasaun
Lisensiatura iha Rekursu Umanu, Administrasaun ka disiplina relevante sira seluk
Esperiênsia no Kritéria Seluk
- Esperiénsia mínimu tinan tolu servisu iha área relevante rekursu umanu nian no administrasaun hanesan vantajen, liga ho responsabilidade sira ne'ebé temi iha leten
- Esperiensia dezenvolve no aplika rekerimentu politíka no padraun rekursu umanu nian
- Kompriende didiak ambiente traballu Timor-Leste nian, p.e; liga ho Lei Traballu Timor-Leste, Seguransa Sosiál, payroll no benefísiu ba funsionáriu sira
- Exelente iha abilidade komunikasaun, koordenasaun no halo ligasaun individu, entidade sira ne'ebé relevante ba organizasaun
- Abilidade servisu iha ekipa, kumpriende no esplika polítika ho rekerimentu ba funsionáriu sira; no servisu individuál, fokus no detalladu
- Hanesan pesoal ida organizadu, bele foti inisiativa, resolve problema (iha kunhesementu ka abilidade kona resolusaun konflitu)
- Exelente iha abilidade uza Microsoft Word, Excel no database sira
- Abilidade ko'alia no hakerek Ingles ho diak hanesan vantajen ida
- Abilidade halo tradusaun iha lian Tetun no Ingles hanesan vantajen ida
Oinsa Atu Aplika
Favor haruka Kurríkulu (CV) no Karta Aplikasaun liuhusi email: [email protected]
Prazu ikus: Loron 13 Marsu 2026, to'o tuku 17:00 OTL (fin do dia)
Nota: Kandidatu sira ne'ebé liu selesaun CV mak sei kontaktu husi parte Rekursu Umanu (RH).
