Konaba HAMNASA
HAMNASA maka hanesan organizasaun nasionál ne'ebé independente no rejistu lokálmente hanesan organizasaun Timoroan ho konsellu administrasaun, lideransa senior, no funsionáriu sira ne'ebé reflete ba komunidade ne'ebé HAMNASA serve. HAMNASA mantein estrutura organizasaun ida ne'ebé metin no asegura kapasaitasaun tékniku ne'ebé adekuadu, administrativu, finanseiru, no kapasidade lideransa atu kumpri ninia misãun. HAMNASA transizãun husi ONG internasionál, Health Alliance International (HAI), ba ONG nasionál HAMNASA iha 2021 no kontinua harii bazeia ba HAI nia esperiénsia tinan 20 iha Timor-Leste.
HAMNASA nia área servisu prinsipál mak hanesan:
- Haforsa sistema saúde (saude inan no oan, nutrisaun, abilidade klínikal, no apoiu voluntáriu saúde komunitária)
- Prevensaun no resposta ba Violênsia Bazeia ba Jéneru (VBJ), inklui envolvimentu mane
- Prevensaun no resposta ba Tuberkuloze (TB) liu husi programa diagnostiku no aderênsia ba tratamentu
- Peskiza kualitativu no kuantitativu no avaliasaun programa
- Mobilizasaun komunitária no empoderamentu ekonómiku ba feto
Sumariu Pozisaun
Diretór/a Programa (DP) sei liderá no koordéna pesoal programa HAMNASA nian hodi implementa programa sira ho kualidade no responsabilidade. Diretór/a Programa sei asegura katak programa hotu-hotu hala'o ho di'ak tuir planu, orsamentu ne'ebé aprovádu, no rekerimentu doadór no governu nian. Nia mak responsável ba jestaun teknikal no operasionalizasaun husi implementasaun programa, inklui dezenvolve no monitoriza orsamentu programa nian, asegura katak orsamentu halo revizaun no update sira iha programa wainhira presiza, no mantein komprensãun klean kona-ba gastus finanseiru.
DP sei halo akompanhamentu ka mentoring ba pesoal programa nivel jestor no koordenador ba parte teknikal, hodi hasa'e kapasidade ekipa tomak iha planeamentu, implementasaun, no relatóriu programa nian. Inklui mós empodera pesoal programa atu jere sira nia budget programa. DP mak ema ne'ebé prestasaun atensaun ba programa detallu, iha kunhesementu diak no forte iha polítika no prosedimentu organizasionál, no serbisu besik ho Diretór Ezekutivu atu atinji objetivu HAMNASA nian.
Pozisaun: Diretór/a Programa
Relata ba: Diretór Ezekutivu
Fatin: Dili
Supervizaun: staf nain 4-5
Responsabilidade
1. Gestaun no Implementasaun Programa
- Lidera implementasaun programa HAMNASA nian hodi konsulta no tuir orientasaun Diretór Ezekutivu
- Asegura katak atividade programa hotu-hotu hala'o tuir planu serbisu ne'ebé aprovádu no ho kualidade ne'ebé aas
- Koordena no fo apoiu ba jerente atividade sira no lideransa ekipa hodi asegura konsistensia no kualidade iha implementasaun programátiku
- Halo vizita monitorizasaun terrenu atu tau matan ba implementasaun no rezolve problema no buka solusaun ba desafiu sira
- Partisipa iha enkontru konsulta no grupo konsultivu tékniku ho parseiru governu, doadór, no organizasaun seluk
- Representa HAMNASA iha enkontru external sira no parseiru governu, doadór
2. Jestaun Orsamentu
- Lidera dezenvolvimentu orsamentu anuál programa nian ho koordenasaun ho pesoal finansas no Diretór Ezekutivu, asegura katak orsamentu sira refleita realidade programa no tuir rekerimentu doadór
- Monitoriza gastus orsamentu programa nian ho regular (minimu fulan-fulan), kompara gastus atuál ho orsamentu ne'ebé planeia, no identifika desviu sira iha tempu ne'ebé to'ok
- Servisu hamutuk ho Diretór Ezekutivu no Jerente Finansas atu establese sistema tracking gastus ne'ebé suporta jestor progama sira atu jere sira nia budget programa nian
- Inisia no jere realinhamentu orsamentu wainhira programa sira hasoru mudansa sira iha atividade, tempu, ka prioridade
- Revee no aprova hanesan pedidu pagamentu, no dokumentu finanseiru seluk ne'ebé esensial ba programa
- Servisu hamutuk ho ekipa finanseiru hodi asegura katak kontábilidade programa nian tuir polítika HAMNASA nian no rekerimentu doadór
- Apoiu Diretór Ezekutivu iha prepara proposta fundus foun, inklui dezenvolve seksaun orsamentu no narativu orsamentu
3. Kualidade Programa, GEDSI no Apoiu Tékniku
- Asegura katak aprosimasaun programa sira aliña ho evidensia no prátika di'ak liu, inklui atualizasaun tékniku ho regular
- Fo apoiu tékniku ba Ministeriu Saúde (MdS), Sekretaria Estadu Igualdade (SEI), Ministeriu Solidariedade Sosiál no Inkluzãun (MSSI), no parseiru seluk wainhira presiza
- Operasionaliza direksaun estratejiku HAMNASA nian ne'ebé Diretór Ezekutivu no Konsellu Administrasãun estabelese ona – tradus iha planu serbisu anuál, meta programa, no atividade konkretu ba ekipa programa
- Supervisiona ba sistemá M&E programa nian, hamutuk ho Koordenadór M&E, atu asegura katak koleksaun dadus no relatóriu sira hala'o ho kualidade
4. Polítika Organizasionál
- Asegura katak programa hotu-hotu hala'o tuir polítika no prosedimentu HAMNASA nian, inklui polítika salvaguarda (proteksaun labarik, prevensaun exploitasaun, asédiu no abuzú seksuál), polítika GEDSI, no polítika finanseiru
- Propoin hadi'a polítika no prosedimentu ba Diretór Ezekutivu wainhira identifika lakunas ka nesesidade atu hadi'a
- Sosializa polítika HAMNASA nian ba staf programa hotu-hotu no asegura katak sira hatene no kumpri
5. Monitorizasaun no Dezenvolvimentu Kapasidade pesoal
- Akompanha ka mentoria no fo apoiu ho regular ba jerente atividade, SMT, no pesoal programa seluk iha abordajen tékniku, inklui dezenvolvimentu orsamentu, planeamentu programa, no relatóriu
- Halo enkontru regular ho ekipa programa hodi reve progresu, resolve problema, no fo apoiu
- Promove ambiente servisu ne'ebé apoia investe iha kapasidade staf
6. Relatóriu no Komunikasaun
- Asegura relatóriu ba doadór sira (inklui DFAT/Nabilan, Global Fund, no seluk) tuir rekerimentu, no kualidade liu husi kolaborasaun ho Diretór Ezekutivu no ekipa programa sira
- Responde ba pedidu husi MdS, SEI, MSSI no doadór sira kona-ba relatóriu atividade no progresu programa
- Wainhira Diretór Ezekutivu la iha, foti papél nudar Interinu
Kualifikasaun
Edukasaun Esensial
Minimu Lisensiatura iha área relevante hanesan Saúde Públiiku, Dezenvolvimentu Komunitáriu, Siensias Sosiál, Jéneru no Dezenvolvimentu, Estudu Dezenvolvimentu ka área relevante seluk. Grau mestradu iha área relevante hanesan vantajen.
Esperiensia no Abilidade
- Minimu tinan 7 esperiénsia iha jestaun tékniku no senior ba programa boot iha ONG, agénsia ONU, governu, ka setor privadu
- Esperiénsia iha área tékniku HAMNASA nian hanesan: saúde públiku, saúde inan no oan, prévensaun VBJ, jéneru, nutrisãun, ka empoderamentu ekonómiku & mudansa Klimátika
- Esperiénsia diak iha dezenvolvimentu orsamentu programa, jere orsamentu ho responsabilidade, no realinhamentu orsamentu wainhira presiza mudansa iha programa
- Esperiénsia klean iha supervizãun pesoal no mentoria tékniku ba ekipa programa
- Forte tebes iha hakerek relatóriu programa ho kualidade aas iha lian Ingles no Tetun tuir padraun doadór sira nian; no bele ko'alia Ingles ho efetividade iha kontestu profisionál inklui enkontru ho doadór no parseiru internasionál
- Esperiénsia kumpri no tau matan ba polítika no prosedimentu organizasionál no rekerimentu konformidade doadór nian
- Esperiénsia fasilita sesaun ka treinamentu ne'ebé interaktivu, partisipatoriu no utliza metode adult learning
Termu no Kondisaun
Pozisaun ne'e loke ba Timor oan de'it. Durasaun ba pozisaun mak tinan 2 ho posibilidade ba estensaun tuir desempenu nebe di'ak.
Salariu: $2,000 (Taxa inkluzivu) kada fulan + benefisiu edukasaun/saúde.
Oinsá Atu Aplika
Husu ba aplikante sira hotu atu inklui iha aplikasaun ba pozisaun ida ne'e: CV, cover letter ne'ebé esplika ho detallu esperiensia no abilidade tuir kriteria ne'ebé temi iha leten, no mos naran, email no numeru kontaktu husi referensia ba ema nain tolu. HAMNASA sei la konsidera aplikante ne'ebé hatama CV la hamutuk ho cover letter. CV la bele liu pajina 4 no cover letter la bele liu pajina ida. Hatama deit dokumentus ne'ebé teme deit. La bele hatama dokumentus seluk (i.e. sertifikadu Ingles, eleitoral no sst).
Hatama dokumentu aplikasaun sira diriji ba Sr. Manuel Soares, Jestor Senior Operasaun: [email protected]
Prazu: Até fin do dia, 31 de Agusto de 2026
