Konaba Knaar
Ofisial VSLA (Asosiasaun Rai no Empresta Osan Suco/VSLA) responsavel atu apoia implementasaun atividade ARES nian iha programa Reziliensia, ho objetivu atu fortalese reziliénsia ekonomiku ba uma kain no komunidade sira, liuliu iha kontextu risku mudansa klima no dezastre sira nune'e komunidade bele resiliente liu ba risku klimatiku sira. Pozisaun ida ne'e kontribui atu harii no haburas sistema poupansa komunitária ne'ebé sustentavel, hadia asesu ba servisus finanseiru, no promove jestaun krezitu ne'ebé transparente no responsavel, hodi suporta kapasidade komunidade sira atu prevene no responde ba risku ekonomiku.
Ofisial ne'e sei servisu besik ho komunidade liuhusi fasilitasaun no dezenvolvimentu kapasidade, atu promove poupansa regular, asesu ba kreditu produtivu, no empoderamentu ekonomiku inkluzivu liuliu ba feto sira hodi aumenta kapasidade uma kain sira atu mantein, adapta, no rekopera husi impaktu sira husi mudansa klima no dezastre, no nune'e kontribui ba reziliénsia sustentável iha nivel komunidade no hadia vida moris familia nian iha sistema finansa ne'ebe resilensia liu.
Responsabilidade
Implementasaun Atividade VSLA
- Apoia formasaun, dezenvolvimentu, no fortalese grupu VSLA tuir metodolojia no padraun CARE, hodi asegura pratika ne'ebé diak no sustentavel
- Fasilita reuniaun regular grupu VSLA, no fó orientasaun ba prosesu poupansa, emprestimu osan, no reembolsu, hodi garante transparénsia no responsabilidade iha jestaun finanseiru grupu nian
- Monitoriza no apoia grupu VSLA sira atu funsiona ho efetivu, inklui kapasitasaun lideransa, jestaun rekordu, no governansa grupu, hodi asegura sustentabilidade ba tempu naruk
- Apoia integrasaun atividade VSLA ho atividade livelihood no agrikultura iha projetu, atu hasa'e oportunidade rendimentu no fortalese reziliénsia ekonomiku ba uma kain sira
- Fasilita dezenvolvimentu kapasidade ba membru VSLA sira kona ba literasia finanseira, jestaun osan, no planifikasaun negosiu ki'ik
- Promove partisipasaun inkluzivu, liuliu ba feto sira, no garante katak grupu VSLA sira uza abordagem igualdade jéneru no inkluzaun sosial (GEDSI)
- Akompaña grupu iha tempu shred out ka fahe osan
Kapasitasaun no Envolvimentu Komunidade
- Fó treinamentu ba membru VSLA sira kona ba poupansa, emprestimu, rekordu finanseiru no governansa grupu
- Promove partisipasaun ativa ba feto, joven no grupu vulneravel sira
- Fortalese lideransa no tomada-dezizaun ba feto sira iha grupu VSLA
Kordenasaun no Parseria
- Servisu hamutuk ho autoridade lokal, lider komunidade, no parseiru NGO sira
- Apoia relasaun servisu entre grupu VSLA ho merkadu, servisu finansial no oportunidade ekonómika sira
- Partisipa iha reuniaun koordenasaun iha nivel komunidade no munisipiu
- Liga grupu VSLA ne'ebe maduru hodi transforma ba koperativa
Monitorizasaun, Avaliasaun no Relatóriu
- Halo monitorizasaun regular ba atividade VSLA iha terrenu
- Utiliza formatu health check hodi observa kresementu atividade rai osan
- Kolekta dadus no atualiza informasaun kona ba performansa grupu VSLA sira
- Prepara relatoriu regular (semanal no mensal)
- Dokumenta istoria suksesu no lisaun aprendidu
Jéneru, Salvaguarda no Akuntabilidade
- Promove igualdade jéneru no inkluzaun sosial (GEDSI) iha atividade hotu-hotu
- Apoia implementasaun política salvaguarda no mekanismu feedback ba komunidade
- Asigura transparénsia no responsabilidade iha jestaun grupu ARES/VSLA
Kriteria Selesaun
- Mínimu tinan 2–3 iha área VSLA, livelihood, ka finansa inkluzivu
- Esperiénsia servisu iha nivel komunidade no fasilitasaun grupu
- Esperiénsia ho ONG/INGO ka projetu donor mak sai vantajen se iha projetu husi DFAT ne'e sai vantagen liu
- Konhesimentu kona ba metodolojia VSLA CARE mak valor adisionál
- Esperensia koordenasaun no komunikasaun diak ho autoridade local no grupu komunidade sira
- Koñesimentu diak kona ba VSLA no empoderamentu ekonomiku
- Abilidade fasilitasaun no komunikasaun ho komunidade no autoridade local
- Bele servisu rasik no ho equipa iha área rural no parseiru sira
- Organizadu no atensaun ba rekordu finanseiru
- Abilidade báziku iha kolekta dadus no relatóriu
- Fleksibilidade ba servisu
- Organizadu no jere tempu ho diak
- Abilidade uza komputador iha programa word, excel no powerpoit
- Fluente iha Tetun (ko'alia no hakerek)
- Koñesimentu báziku iha Inglés (ba relatóriu)
- Lian lokál sira sai vantajen (mambae, kemak, bunak no tetun terik)
- Komitmentu forte ba valór CARE no igualdade jéneru
- Integridade, responsabilidade, no profesionalismu
- Prontu atu viajen ba área remota sira iha karta kondusaun ne'ebe ativu
- Submete ho bom komportamentu/criminal record validu
- Disponivel atu servisu oras fleksível tuir nesesidade projetu
- Enkoraja feto no difisiente sira atu aplika
Oinsá Atu Aplika
Kandidatu sira ne'ebé mak interese atu aplika presiza haruka CV (la barak liu tahan haat) no karta aplikasaun liu husi email ba [email protected] antes tuku 17:00 loron 5 Junhu 2026. Sei kontaktu de'it kandidatu sira ne'ebé hetan susesu ba entrevista ne'e. Favór hakerek títulu pozisaun iha "subject" email nian.
Nota: Pozisaun ida-ne'e kontrata iha Timor-Leste atu fó agradese ba ita nia komprimisiu tomak, aplikante ne'ebé susesu sei hetan benefisiu atu dezenvolve kareira profesional liu husi servisu iha fatin ne'ebé inovativu no hanoin ba oin, no mós pakote benefisiu ne'ebé komprensivu.
CARE respeitu oportunidade igual no iha komprimisiu bo'ot atu kria espasu servisu ne'ebé nakonu ho diversidade. CARE enkoraja feto sira atu aplika.
CARE iha Timor-Leste iha toleransia zero ba asédiu seksuál, esploitasaun seksuál, no abuzu seksuál, no mos forma sira seluk ne'ebé bele estraga labarik sira.
