Objetivu ba pozisaun ne'e
Ofisial Projetu Edukasaun sei bazeadu iha Eskola Sentrál sira hanesan asesór ba agrupamentu eskola sira no mós apoiu iha eskola filiál sira. Númeru eskola tarjetu bele to'o 10 no barak liu iha área ne'ebé remota no rural no bele inklui pré-eskolar balun. Serbisu ida-ne'e presiza ema ida-ne'ebé bele serbisu ho profesionalizmu. Bele serbisu mesak ka iha ekipa. Iha abilidade komunikasaun ne'ebé di'ak no fasil dezenvolve relasaun di'ak ho ema seluk. Iha abilidade di'ak hanesan fasilitadór no bele fasilita formasaun, halo animasaun, iha abilidade planeamentu no organizasaun, bele adapta situasaun ho lalais; bele proativu foti asaun no fó solusaun, bele foti inisiativu no kreativu, iha abilidade serbisu ho pesoal eskola no komunida iha area rural no remota sira.
Responsabilidade Prinsipál sira
- Apoiu Grupu Traballu Profesór iha agrupamentu ka/no nivel eskola
- Oferese apoiu mentoria hodi organiza biblioteka ki'ik (kantu lee atrativu) no aplikasaun sistema empresta livru
- Mentoria ba manorin iha hanorin literasia no jestaun eskola nian
- Implementasaun atividade estra-kurikulár
- Fasilita sesaun edukasaun inan-aman ho membru komunidade
- Mobiliza inan-aman iha re-ativa Konsellu Inan-aman no Responvél (KIAR/AIAP)
- Apoiu mentoria ba jestor eskola
- Apoiu jestór eskola no manorin sira iha promove atividade saúde eskolár
- Promove edukasaun inklusivu no integradu
Kriteria selesaun
- Kompleta ona baxaleratu iha área Edukasaun (Prefere Ensinu Báziku)
- Mínimu iha esperiénsia serbisu fulan 6, tinan 1 ka 2 iha área edukasaun
- Hatene hakerek no komunika iha Tetum ho di'ak
- Iha abilidade di'ak kona-ba jestaun tempu
- Onestu, hatene mantein konfidensialidade no konfiavél
- Hanoin kritiku, resolve problema
- Forte iha komunikasaun verbal
- Abilidade atu uza programa komputadór
- Abilidade atu uza motorizada no iha lisensa kondusaun válidu
Oinsá atu aplika
Haruka CV no karta aplikasaun liu husi email ba
[email protected] ka submete iha departamentu Rekursu Umanu iha CARE nia eskritóriu iha Bairo Pite, Dili.
