Ofisiál Monitorizasaun, Avaliasaun & Aprendizajen - Projetu Disaster READY

Konaba knaar

Pozisaun ida ne'e iha responsabilidade atu lidera no halao atividade monitorizasaun, Avaliasaun, koleksaun dadus, entrevista, data-entry no mos relatóriu ba programa, no sei serbisu hamutuk ho Oficial Projetu F-KHC ba Projetu pilotu Asaun Anticipatoriu, Oficial Projetu Early Action Fund, Voluntáriu Komunidade sira no Chefe Aldeia husi Uma Bo'ot, Suku Luca, Postu Administrativu Viqueque, no Aldeia Beli, Suku Babulo, Postu Administrativu Uatulari, nomos atu asegura katak dadus projetu nian kolekta, analiza no relata ho sistematikamente hodi hadia kualidade programa, no hatudu impaktu ba parte interessadu sira nomos hodi fó informasaun ba Gerente Projetu DRP.

Kna'ar Prinsipal

• Desenvolve planu monitorizasaun no halo konsultasaun ativu ho Jestor Programa DRP nian
• Implementa projetu nia planu MEL iha kampu ho orientasaun no supervizaun husi Jestor Programa DRP nian
• Halo vizita regular ba fatin implementasaun projetu
• Halo komunikasaun no enkontru regular ho voluntariu komunidade sira nomos autoridade lokal
• Hala'o verifikasaun ba dadus benefisiáriu projetu nian
• Apoiu prosesu aprendizajen projetu
• Asegura katak dadus sira ne'ebé halibur no hatama ho loloos
• Fahe dadus no lolos ho ekipa programa sira
• Asiste peskiza kuantitativu no kualitativu

Kriteria selesaun

• Kompleta ona baxarelatu iha área ne'ebé relevante
• Minimum tinan tolu esperiénsia halo koleksaun dadus
• Iha esperiénsia servisu halo entrevista, fasilita grupu diskusaun
• Iha esperiénsia serbisu kona-ba área Redusaun Risku Dezastre
• Hatene lori motor no iha karta kondusaun ne'ebé válidu
• Hatene hakerek no ko'alia lian lokál Naueti, Makasa'e no Tetum
• Tenke iha abilidade numerasia ne'ebé di'ak

Oinsá atu aplika

Haruka CV no karta aplikasaun liu husi email ba [email protected] KA submete iha departamentu Rekursu Umanu iha CARE nia eskritóriu iha Bairo Pite, Dili.