Konaba knaar
Pozisaun ne'e sei halao atividade monitorizasaun, koleksaun dadus, entrevista, data-entry no mos relatóriu ba programa. Ofisiál MEL mak sei responsabiliza atu implementa projetu nia planu monitorizasaun no avaliasaun bazeia ba planu serbisu ne'ebé define ona tuir ninia área serbisu no nia mak sei responsabiliza atu komunika kualkér risku no dezafiu sira ne'ebé afeta koleksaun no kualidade dadus ho ninia supervizór.
Kna'ar Prinsipal
- Desenvolve planu monitorizasaun no halo konsultasaun ativu ho senior MEL
- Implementa projetu nia planu M&E iha kampu ho orientasaun no supervizaun husi Ofisiál Seniór MEL
- Halo vizita regular ba fatin komunidade no eskola projetu nian
- Hala'o verifikasaun ba dadus benefisiáriu projetu nian
- Apoiu prosesu aprendizajen projetu
- Asegura katak dadus sira ne'ebé halibur no hatama ho loloos
- Fahe dadus ho ekipa programa sira
- Asiste peskiza kuantitativu no kualitativu
Kriteria selesaun
- Kompleta ona baxarelatu iha área ne'ebé relevante
- Minimum tinan tolu esperiénsia halo koleksaun dadus
- Iha esperiénsia servisu halo entrevista, fasilita grupu diskusaun
- Iha esperiénsia kona-ba área edukasaun, saude, programa merenda eskolar
- Hatene lori motor no iha karta kondusaun ne'ebé válidu
- Hatene hakerek no ko'alia lian lokál Mambae, Baikeno no Tetum
- Tenke iha abilidade numerasia ne'ebé di'ak
Oinsá atu aplika
Haruka CV no karta aplikasaun liu husi email ba [email protected] ka submete iha departamentu Rekursu Umanu iha CARE nia eskritóriu iha Bairo Pite, Dili.
