Konaba Knaar
Ami buka hela Hamoos Na'in (Cleaner) ida ne'ebé konfiável no badinas atu mantein limpeza no ijiene eskritóriu no fasilidade sira iha skritoriu kampu nian. Ema ne'ebé hamoos sei asegura katak área serbisu sira moos, seguru, no organizadu ho di'ak tuir padraun organizasaun nian.
Responsabilidade
- Hamoos no halo manutensaun ba kuartu sira hotu ne'ebé atribui no área komún sira tuir alokasaun área sira ne'ebé dezignadu hosi Supervizór
- Regularmente hamoos no halo manutensaun ba ekipamentu no ferramenta sira ne'ebé funsionáriu sira uza iha sira-nia operasaun loroloron
- Fase kortina edifísiu nian no toalla sintina nian bainhira presiza atu mantein padraun ijiene nian
- Kuda, halo manutensaun, no rega beibeik vejetasaun no jardín sira ne'ebé eziste
- Monitoriza no asegura fornesimentu materiál sanitáriu ne'ebé adekuadu no konsistente ba funsionáriu sira
- Prepara no serve kafé no/ka xá durante enkontru funsionariu no eventu internu ki'ik sira
- Relata lalais ekipamentu ruma ne'ebé estraga, avariadu, ka la funsiona ba Supervizór imediatu liuhosi komunikasaun verbál ba asaun oportunu
- Halo reparasaun no substituisaun ki'ik sira, inklui torneira bee nian, ekipamentu elétriku sira, no knaar manutensaun jerál sira seluk tuir nesesidade
- Hatudu koñesimentu báziku kona-ba instalasaun sira ho eskala ki'ik, inklui fiu elétriku ki'ik sira no tarefa sira ne'ebé relasionadu
- Abilidade Komunikasaun baziku iha lian Tetun
- Koñesimentu lian lokál (Mambae, Kemak, Bunak ka Tetun Terik) hanesan vantajen ida
Kriteria Selesaun
- Edukasaun báziku (prefere liu)
- Pelumenus tinan ida ka rua esperiénsia profisionál relevante serbisu iha ambiente empreza privada ka organizasaun naun-governamentál (ONG)
- Abilidade atu serbisu mesak no halo tuir instrusaun sira
- Onestu, responsavel, no pontuál
- Fizikamente forte no prontu atu serbisu iha oras ne'ebé fleksivel
Detalle Pozisaun
- Lokalizasaun: Ermera no Covalima, Timor-Leste
- Relata ba: Adjuntu Jestor Projetu
- Tipu pozisaun: Kontratu Tempu Determinado
- Durasaun: Tinan 1 ho posibilidade ba ekstensaun bazeia ba dezemphu no nesesidade projetu nian
- Projetu: TLAus4Resilience
Oinsá Atu Aplika
Kandidatu sira ne'ebé mak interese atu aplika presiza haruka CV (la barak liu tahan haat) no karta aplikasaun liu husi email ba [email protected] antes tuku 17:00 loron 5 Junhu 2026. Sei kontaktu de'it kandidatu sira ne'ebé hetan susesu ba entrevista ne'e. Favór hakerek títulu pozisaun iha "subject" email nian.
Nota: CARE respeitu oportunidade igual no iha komprimisiu bo'ot atu kria espasu servisu ne'ebé nakonu ho diversidade. CARE enkoraja feto sira atu aplika. CARE iha Timor-Leste iha toleransia zero ba asédiu seksuál, esploitasaun seksuál, no abuzu seksuál, no mos forma sira seluk ne'ebé bele estraga labarik sira.
