Ofisiál Terenu (OT)- Programa Advokasia Ba Munisipu Aileu No Covalima (Ema Nain 2)

Pozisaun ida ne’e sei servisu hamutuk ho Kordenadora Projetu Suporta Munisipiu no Ofisial Projetu iha nivel munisipiu no sei suporta grupo feto sira iha 12 Munisipiu.

Ofisial Terenu sei hala’o ninia kna’ar bazeia ba intervensaun husi programa advokasia liu husi Kordenadora no Ofisial Projetu Suporta Munisipiu no sei servisu hamutuk ho grupu feto sira iha nivel suku hodi identifika problema ka kestaun prioridade sira ne’ebe mak feto sira hasoru iha baze, hafoin hala’o mos advokasia ba problema hirak ne’e ba institusaun relevante inklui, rede referral Violensia Bazeia ba Jeneru iha nivel munisipiu.

XAVE KOMPETENSIA SIRA:

1. Suporta Projetu Suporta Munisipiu hodi estabelese fatin servisu ida iha hamutuk ho OSS lokal sira iha munisipiu;
2. Identifika suku iha ida-idak nia munisipiu;
3. Konvoka Forum Sidadania iha suku ne’ebe identifika ona;
4. Halo advokasia ba institusaun relevante relasiona ho rezultadu Forum Sidadania iha kada suku;
5. Husu tuir/ follow up asaun advokasia ba insititusaun relevante ne’ebe Ofisial Terenu hala’o ona;
6. Halo kolaborasaun ho Asosiasaun Feto, Partidu politikus sira no feto potensial iha nivel munisipiu;
7. Identifika feto potensial iha nivel munisipiu no halo asesmentu hodi identifika sira nia nesesidade;
8. Halo akompañamentu ba feto potensial sira antes, durante no hafoin eleisaun;
9. Organiza no kordena atividades iha nivel munisipiu liga ho programa foku Fundasaun Alola (Advokasia, Edukasaun Saude, Ekonomia) no persiza komunika ho programa sira durante halo kordenasaun servisu;
10. Regularmente partisipa enkontru rede referal iha nivel munisipiu;
11. Partisipa enkontru, wainhira hetan konvite husi parseiru relevante sira;
12. Halo kolaborasaun servisu ho institusaun relevante iha nivel munisipiu relasiona ho asuntu Edukasaun, Saude, Ekonomia no Advokasia inklui setores sira seluk iha nivel munisipiu;
13. Halo akompañamentu ba grupu alvu/tarjetu sira husi programa Edukasaun, Saude no Ekonomia, wainhira persiza no presiza kolabora ho ekipa programa foku hirak ne’ebé iha nivel nasional (Grupu Suporta Inan, Grupu Soru Tais no feto potensial sira, grupu juventude ne’ebé mak Programa advokasia estabelese ona no seluk tan;
14. Halo kolaborasaun ho Media lokal (Radio Komunidade no media sira seluk);
15. Identifika nesesidade grupo feto, grupo suporta inan no joventude sira no fornese formasaun bazea ba nesesidade. Persija kolabora mos ho ekipa iha nivel nasional;
16. Atende vitima violensia bazea ba jeneru iha nivel munisipiu;
17. Reprezenta Fundasaun Alola iha reuniaun advokasia, forum konferensia, no rede advokasia ho parte interesada sira iha nivel munisipiu;
18. Prepara no submete relatoriu kada fulan ba Koordernadora Projetu Suporta Munisipiu, Programa Advokasia, Fundasaun Alola;
19. Atende atividade seluk bazeia ba orientasaun husi Koordenadora Projetu Suporta Munisipiu no programa seluk husi Fundasaun Alola.

KUALIFIKASAUN NO ABILIDADE:

1. Remata husi Eskola Sekundaria;
2. Esperensia servisu minimu tinan 1- 2 iha area Advokasia;
3. Prontu servisu mesak;
4. Iha abilidade atu mobiliza no organiza atividade iha baze;
5. Iha abilidade komunikasaun ne’ebe di’ak ho autoridade lokal husi nivel munisipal to’o nivel suku no aldeia;
6. Prioridade liu ba pesoal husi Munisipiu Aileu no Covalima;
7. Enkoraja maka’as ba feto atu bele aplika.

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Edifisiu Sentral Fundasaun Alola, Avenida Bispo Medeiros – Mascarenhas (Edifisiu Polisa Militar nia oin), Dili, Timor Leste.

Rekerimentu sei diriji ba Kordenadora Rekursu Humanu, Fundasaun Alola, molok loron 12 Jullu 2024. Sei la atende Aplikasaun liu husi email.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba:

(Koordenadora Rekursu Humanu) [email protected]

Aplikasaun ida ne’e sei taka iha oras 5 loraik, 12 Jullu 2024.